ინგრედიენტები: ქათმის ღვიძლი 1 კგ-იანი შეკვრა 2 ცალი.

ხახვი 5-6 ც საშუალო ზომის.

ზეთი 1 ჭიქა.

ნიორი 3 კბილი.

ქონდარი 1 ჩ/კ.

მარილი და წიწაკა გემოვნებით.

კარგად გარეცხილ ღვიძლს ვდებთ ადუღებულ წყალში და წამოდუღებიდან 30 წუთის განმავლობაში მუდმივად უნდა მოვხადოთ ქაფი. უნდა მოიხარშოს დაახლოებით 1 საათის მანძილზე, რის შემდეგაც ვიღებთ ქაფქირით და ყოველ ამოღებულ ჯერზე ზემოდან ვასხამთ წინასწარ დანაყილ და ერთ ჭიქა წყალში გახსნილ ნიორის, წიწაკის, ქონდარის და მარილის ნარევს. უმჯობესია თუ გაგრილებას დავაცდით.

ხახვს ვჭრით საშუალო ზომის ნაჭრებად და ვშუშავთ ზეთში სანამ ოქროსფერი არ გახდება, ამის შემდეგ ვდებთ მასში გაგრილებულ და სასურველ ზომებად დაჭრილ ღვიძლს და ვაგრძელებთ შუშვას დაბალ ცეცხლზე დაახლოებით 10 წუთი.საჭიროების შემთხვევაში ვამატებთ მარილს და შეიძლება ბროწეულის მარცვლებითაც მოვრთოთ. არის უგემრიელესი და ძალიან ნოყიერი კერძი.გისურვებთ წარმატებებს, გემრიელად მიირთვით.