საზოგადოებრივი მეცნიერებმა შემთხვევით ინტიმურ კავშირსა და ხმის ტემბრს შორის კავშირი აღმოაჩინეს 2021, 17 მაისი, 10:03 
გეტინგენის უნივერსიტეტის მკვლევარებმა აღმოაჩინეს კავშირი ხმასა და სექსუალობას შორის. მათ გაარკვიეს, რომ თურმე შესაძლებელია ბგერის მახასიათებლებმა ბევრი რამ თქვას პიროვნების მახასიათებლებზე, წერს სამეცნიერო ჟურნალი Journal of Research in Personality.
ექსპერტებმა გაანალიზეს ორი ათასზე მეტი ადამიანის მონაცემები. მათ რესპონდენტებს სთხოვეს შეევსოთ კითხვარი, რომელშიც მათ უნდა შეეფასებინათ საკუთარი თვისებები, რის შემდეგაც კომპიუტერული პროგრამის გამოყენებით შეისწავლეს ტემბრი და ბგერის სიმაღლე. მეცნიერებმა პირველად შეძლეს შეეფასებინათ "მაღალი" და "დაბალი" ხმის სუბიექტური მაჩვენებლები. ”მონაცემების ანალიზმა აჩვენა, რომ დაბალი ხმის ტემბრის მქონე ადამიანები უფრო დომინანტები, უფრო ექსტრავერტულები და უფრო სოციოსექსუალები არიან, ანუ ისინი უფრო მეტად ინტერესდებიან შემთხვევითი სექსით”, - განმარტეს მკვლევარებმა. ეს ეხება როგორც მამაკაცებს, ასევე ქალებს. მეცნიერებმა ასევე აღნიშნეს, რომ კავშირი ხმის ტემბრსა და პიროვნების სხვა მახასიათებლებს შორის, როგორიცაა კომუნიკაბელურობა, შფოთვა, გახსნილობა, ემოციური სტაბილურობა, ნაკლებად გამოხატული იყო და ზოგიერთ შემთხვევაში საერთოდ არ გამოიხატებოდა. ”ჩვენი მთავარი ამოცანა იყო გაგვერკვია, ხომ არ არის დაკავშირებული ერთმანეთთან ადამიანის ხმა და პიროვნული თვისებები. შედეგებმა აჩენა, რომ ადამიანების საკუთარი ხმის ტემბრის მეშვეობით პიროვნული თვისებების მხოლოდ ზოგიერთი ასპექტი იკვეთება ”, - განმარტა კვლევის ერთ-ერთმა ავტორმა ჯულია სტერნმა. მისივე დასკვნით, ხმებს შეუძლიათ გავლენა მოახდინონ პიროვნულ ურთიერთობებზე, მაგალითად პირველი შთაბეჭდილების მოხდენა. ადამიანს შეუძლია საუბრის მოსმენით შეაფასოს, აქვს თუ არა თანამოსაუბრეს მის მიმართ ინტერესი, არის თუ არა ის მეგობრული, მოწყენილი, რამდენად მიმზიდველია მისი ხმა. ამის საფუძველზე ადამიანები იწყებენ ნდობის და დომინირების შესახებ ფიქრს . 
ასევე დაგაინტერესებთ    974 3-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
