ბრაზილიელი ფელიპე დე კასტრო სულით ხორცით არქიტექტორია და ყოველგვარი გაზვიადების გარეშე ყველა ნივთში, რომელსაც ჩვენს ყოველდღიურ ცხოვრებაში ვხვდებით, სამომავლო პროექტების იდეებს ხედავს. მშვენიერი შენობა შეიძლება აშენდეს პანდემიის მთავარი მტრის ნიმუშის მიხედვით - ჩვეულებრივი სამედიცინო პირბადის მიხედვით, დარწმუნებულია დე კასტრო.

33 წლის არქიტექტორი თავის ინსტაგრამის გვერდზე გვაცნობს ჩვეულებრივი ყოვედღიურ საგნებიდან შთაგონებულ არქიტექტურულ ესკიზებს.

დე კასტრო შთაგონებას თითქმის ყველაფრიდან იღებს, რაც მის გარშემოა - თუნდაც ჩვეულებრივი სენდვიჩით. ბრაზილიელის ფანტაზია უკიდურესად დახვეწილია, ის უბრალოდ არ "ამუშავებს" ნივთებს, თითოეული ჩანახატი პატარა ისტორიაა, ყველა მათგანი ერთად კი - წარმოუდგენელი არქიტექტურული ფანტაზიების მთელი სამყარო. ბრაზილიელი ცოტათი ჯადოქარს ჰგავს - მას შეუძლია ჩვეულებრივი კომპასი აეროპორტის ტერმინალად აქციოს, ძველი რადიოს მიმღები კი კინოთეატრის შენობად. საჭიროა მხოლოდ ქაღალდი, მარკერები და კარგი იდეა.

”ბავშვობაში ერთგვარი თამაში მქონდა - ჩვეულებრივი საგნების აღება და მათგან რაიმე კონსტრუქციების გაკეთება, ” - ამბობს დე კასტრო. ”მე უფრო ფართო მასშტაბით წარმომედგინა საგანი, მაგრამ ჩანახატები არასდროს გამიკეთებია”.

არქიტექტორის თქმით, მან უჩვეულო ნახატების შექმნა მხოლოდ 2018 წელს გადაწყვიტა. ” ჩემს მაგიდასთან ვიჯექი, ფანქრების ჩასადებ სადგამს ვუყურებდი და მოულოდნელად აშკარად დავინახე შენობა - პირველად სწორედ ის დავბეჭდე”, - იხსენებს ბრაზილიელი .

ის ამტკიცებს, რომ იდეები მარტივად და ბუნებრივად მოდის: დე კასტრო მუშაობს ორი სქემით: იგი ამჩნევს ობიექტს და დაუყოვნებლივ წარმოიდგენს, თუ როგორ შეიძლება მისი მასშტაბირება და როგორ შეიძლება მისი არქიტექტურული სტრუქტურად გადაქევაა, ან მუშაობს "შეკვეთით" - როდესაც ვინმე მას რაიმე ნივთის ფოტოს უგზავნის და ითხოვს მისგან პროექტის შექმნას.

”ამოცანა რთულდება, როდესაც უნდა შევქმნა ისეთი რამ, რაც ჩემ მიერ არ არის შერჩეული”, - აღნიშნავს არქიტექტორი. მის ესკიზებში თითქმის ყოველთვის არის გამოსახული ადამიანები, მცენარეები, სატრანსპორტო საშუალებები. ასე ცოცხლდება არქიტექტურული ნახაზი, განმარტავს დე კასტრო და ის ამას "შემოქმედებით ვარჯიშს" უწოდებს.

ბრაზილიელი აღნიშნავს, რომ ნახატების შექმნის ყველაზე რთული ეტაპია სტრუქტურული ნაწილების შემუშავება . ”საქმე იმაშია, რომ მსურს ისეთი კონსტრუქციის შექმნა, რომელის დადგმაც ნამდვილად შეიძლება. ვცდილობ არ გამიტაცოს ისეთმა არარეალურმა იდეებმა, რომლებიც ეწინააღმდეგება ფიზიკის კანონებს ”, - განმარტავს იგი.

დე კასტრო ესკიზებით არ ვაჭრობს - უნიკალური შენობები ქაღალდზე რჩება. ბრაზილიელი თანახმაა განახორციელოს თავისი პროექტები, მაგრამ ელოდება ინვესტორს, რომელიც მზად იქნება მის იდეებზე ფული დახარჯოს .ჯერჯერობით ინვესტორი არ ჩანს, მაგრამ არქიტექტორი წერს, რომ პერსპექტიული ნახაზის ელექტრონული ასლი 10 დოლარი ღირს.