ცნობილ ნახატებში დამალული საიდუმლოებები

მხატვრობა

ცნობილ ნახატებში დამალული საიდუმლოებები - ადამის შექმნა

2021, 28 ივლისი, 15:22

დღეს ვისაუბრებთ ნახატზე, რომელიც მსოფლიოს ყველაზე პოპულარულ ხელოვნურ შედევრებს შორისაა მოხვედრილი. ამ საინტერესო ნახატში უამრავი საიდუმლოება იმალება. მეცნიერები წლების განმავლობაში ცდილობენ ამ საიდუმლოებების ამოხსნას, თუმცა ზუსტ დასკვნამდე ჯერ კიდევ ვერ მივიდნენ და ალბათ ვერც მივლენ. ვნახოთ უფრო დეტალურად...

ადამის შექმნა - ავტორი: მიქელანჯელო ბოუნაროტი

მიქელანჯელოს ფრესკა, დაწერილი სავარაუდოდ 1511 წელს, არის სიქსტეს კაპელას ჭერზე დაწერილი ფრესკებიდან ერთ-ერთი ყველაზე გამორჩეული. ფრესკაზე აღწერილია სიუჟეტი ძველი აღთქმიდან — ღმერთის მიერ პირველი ადამიანის, ადამის შექმნა:

„ და შექმნა უფალმან ღმერთმან კაცი მტუერისა მიმღებელმა ქვეყანისაგან. და შთაბერა პირსა მისსა სული სიცოცხლისაჲ და იქმნა კაცი იგი სულად ცხოველად."

„ადამის შექმნა“ სიქსტეს კაპელის ერთ-ერთი ყველაზე გამორჩეული ფერწერული კომპოზიციაა. ღვთის მარჯვენა ხელი მამართულია ადამისაკენ. მათი ხელები ერთმანეთს არ ეხება. სავარაუდოდ, მიქელანჯელომ ამით ღვთიურისა და ადამიანურის ერთმანეთთან მიუწვდომლობა გამოხატა.

პირველი იდუმალი ამ გენიალურ ნახატში - როგორც ხედავთ მიქელანჯელოს ფანტაზიის უნარს და ნიჭს საზღვარი ნამდვილად არ ჰქონია, ის ძალიან ჭკვიანი მხატვარი და მოქანდაკე იყო . ფოტოზე აღბეჭდილია ადამი, რომელსაც ღმერთი სიცოცხლეს აძლევს. ადამი იმდენად სუსტია, რომ ხელის აწევაც არ შეუძლია, თუმცა მის ტვინში მხატვრის ნიჭიერად შესრულებული ღმერთის გამოსახულებაა. ანუ ეს იმას ნიშნავს, რომ ღმერთმა ადამს თავის ვიზუალური მხარე უსახსოვრა და ამის შემდეგ ყველა ადამიანს ღმერთი ადამიანის მაგრვარი ჰგონია. ზუსტად ამის დასამტკიცებლად იშრომა მიქელანჯელომაც - ეს იყო მეცნიერების მიერ აღმოჩენილი პირველი საიდუმლოება.

მეორე იდუმალი - ფოტოზე ჩანს, თუ როგორ ეხვევა ღმერთი ერთი მკავით ქალს. ვინ უნდა იყოს ეს ქალი, თუ არა ევა? მეცნიერების აზრით ამ ფოტოზე აღბეჭდილი ქალი ევაა, რომელსაც ღმერთი ადამის შემდეგ ქმნის...

ხოლო მწვანე ლენტისებრი ტილო, რომელიც ქვემოთ არის გაშლილი ადამიანის ცხოვრებაა - ასე ხსნიან ამ ყველაფერს მსოფლიოს მოწინავე და რელიგიათმცოდნე მეცნიერები.

რაც შეეხება ბოლო იდუმალებას - ფოტოზე ჩანს სხვა სახეებიც, რომლებიც ადამის და ევას დედამიწაზე ცხოვრებას წინასწრამეტყველებს. მათ უამრავი სირთულეების გავლა მოუწევთ და ამაში მონაწილეობას დარჩენილი სახეები მიიღებენ - ასე თვლიან კალიფორნიის უნივერსიტეტის მეცნიერები.