დიდი ხანია, ინდოეთის ამბები, უცხოური პრესის ფურცლებიდან არ ჩამოდის, ინდოეთში მეორე ტალღის აფეთქებას არავინ მოელოდა, მაგრამ სურათი მძიმეა და საგანგაშო.

ფოტოები, სადაც ნათლად ჩანს, საკაცეები, ჟანგბადის ბალონები, პარკები სადაც გარდაცვლილებს წვავენ, გადავსებული კრემატორიუმები, მნახველის თვალში თანაგრძნობას იწვევს და შიშს, ვაითუ უფრო მეტად გართულდეს მდგომარეობა და მთელ მსოფლიოს მოედოს ინდოეთის ტრაგედია.

ინდოეთში პანდემიის გართულებას თან ახლავს, სიკვდილიანობის მაჩვენებლის არასანდო მაჩვენებლები, რადგან ზუსტი ციფრები უცნობია, თუმცა ზოგადი მდგომარეობის შეფასებით ყველაფერი შეიძლება გასაგები იყოს, მაგრამ ასე არაა, ინდოეთში არ ხდება ტესტების მიხედვით ვირუსის აღრიცხვა.

მთავარი პრობლემა ინდოეთისთვის არის ის, რომ სამედიცინო სფერომ არსებულ დატვირთვას ვერ გაუძლო, პანდემიის გავრცელების დროული გაკონტროლება ვერ შეძლო და ახლა, ყოველდღე, 350 000-ზე მეტი ახალი ინფიცირებული ჰყავს.