გაზეთ "ქრონიკა+"-ის მთავარი რედქტორი ელისო კილაძე სოციალურ ქსელში მმართველ პარტიაში არსებულ შიდა ქაოსზე საუბრობს და არჩევნების შემდეგ პრემიერისა და პარლამენტის თავმჯდომარის გადადგომის შემდეგ, ახლა უკვე პოლიტსაბჭოს დაშლას აანონსებს, რასაც ჟურნალისტი ნიკა მელიას პირად დამსახურებად მიიჩნევს: "ქართულ ოცნებაში სრული ქაოსია - არჩევნების მერე ჯერ პრემიერი, მერე პარლამენტის თავმჯდომარე გადადგა, პოლიტსაბჭო იშლება - და ეს ყველაფერი საკანი #224 ის ბინადრის, ნიკა მელიას დამსახურებაა ! იმარჯვებს ძლიერი, ნიკა სულ მალე თავისუფლებაზე, ცხოვრებაშიც ასეა და პოლიტიკაშიც - გარკვეული მდგომარეობა ყოველთვის სჯობს გაურკვევლობას: ნიკა მელიამ მეორედ აუყირავა მაგიდა შულერებს. ახლა ზუსტად ვიცით, ვინ ვინაა, ვის უნდა ვენდოთ და ვის არა, ვის არ უნდა მივცეთ ხმა არასდროს ! შეცდომებიც გამოცდილებაა !" - წერს ელისო კილაძე "ფეისბუქის" პირად გვერდზე.