სუპერ ლიგის დამტკიცებამ დიდი ხმაური გამოიწვია. გუნდები, ფეხბურთელები, მწვრთნელები, გულშემატკივრები და ა.შ. აპროტესტებენ ახალ ფორმატს, მათი თქმით, ეს ყველაფერი უსამართლოა. რა თქმა უნდა, სანქციები არც უეფამ დააყოვნა და ფეხბურთელები, რომლებიც ახალ ლიგაში მიიღებენ მონაწილეობას, ეროვნული ნაკრების მაისურით საკუთარი ქვეყნის ღირსებას ევროპის ჩემპიონატსა და მსოფლიოს ჩემპიონატზე ვეღარ დაიცავენ.

ასევე უეფამ ჩემპიონთა ლიგის ფორმატი ოფიციალურად შეცვალა:

ჩემპიონთა ლიგამ ფორმატი ოფიციალურად შეიცვალა, რეფორმის თანახმად 2024/2025 წლიდან მონაწილე 32 გუნდს კიდევ 4 დაემატება და გათამაშებაში მონაწილეობას 36 გუნდი მიიღებს, აღარ იქნება ჯგუფური ეტაპი და ჩემპიონთა ლიგა ერთიანი ფორმატით ჩატარდება. მონაწილე გუნდები გარანტირებულად 10 შეხვედრას გამართავენ (5 სახლის თამაში, 5-იც გასვლა).

8 საუკეთესო გუნდი პლეიოფის საგზურს ავტომატურად მიიღებს, მე-9 ადგილიდან 24-ე ადგილამდე მყოფი გუნდები კი პლეიოფს ითამაშებენ, რათა მერვედფინალის საგზური მოიპოვონ.

თავის მხრივ, ევროპის ლიგაზე გუნდები 8 შეხვედრას გამართავენ, ხოლო კონფერენს ლიგაზე 6-ს. ასევე სავსებით რეალურია ამ ორი ტურნირის ჩემპიონთა ლიგის მსგავს ფორმატზე გადაყვანა და მონაწილე გუნდების 36-მდე გაზრდა.