ჯერ კიდევ უძველესი დროიდან მოყოლებული დიდ ბრიტანეთში ნამდვილი ქალბატონები ცხოვრობდნენ. დახვეწილი მანერები, მოხდენილი სიარული, გამართული მეტყველება და არისტოკრატული აღზრდა - ეს ის კრიტერიუმებია, რომელთა დახმარებითაც ნამდვილ, ბრიტანელ ლედის ათასობით ქალბატონშიც კი გამოარჩევთ, თუმცა დრო იცვლება და ახლა უკვე სულ უფრო ხშირად შეხვდებით ახალგაზრდა გოგონებს ხელში სიგარეტითა და შამპანურის ბოთლით. პატარა ქალაქ ეინტრიში, ლივერპულის მახლობლად, ყოველწლიური ცხენების დოღი - "Grand National" - ი იმართება, რომლის შემდეგაც ე.წ "ლედის დღე" (Ladies Day) აღინიშნება. ინგლისის ამ ერთ - ერთ ყველაზე გამორჩეულ ტრადიციას ადგილობრივები ყველაზე სანახაობრივად თვლიან, რადგან იპოდრომის ტრიბუნები ყოველწლიურად 100 ათასი მაყურებლითა და გულშემატკივრით ივსება. ბევრი მათგანი დოღზე როგორც წესი, საყვარელი სპორტსმენის საგულშემატკივროდ ან ფსონის დასადებად მიდის. ქალაქში კონკურენციის საოცარი ატმოსფერო სუფევს, მშვენიერი სქესის წარმომადგენლებისთვის კი საგანგებოდ "ლედის დღე" ეწყობა. ამ დღეს, ელეგანტურ კოსტიუმებში გამოწყობილმა ქალბატონებმა, დოღის მონაწილე პროფესიონალი მხედრები, საკუთარი დასწრებითა და გულშემატკივრობით უნდა გაამხნევონ. მოდით, ვნახოთ თუ როგორ აღინიშნა "ლედის დღე" გასულ წელს.