მსოფლიო შოუ - ბიზნესის წარმომადგენლებს შორის არიან ისეთებიც, რომლებიც ცნობილ ფრაზას - "ახალგაზრდობა ასაკი კი არა, სულის მდგომარეობაა" ზედმიწევნით, სიტყვასიტყვით იღებენ და შეუფერებელი გარეგნული იმიჯის მორგებით ხშირად საზოგადოების დასაცინებიც კი ხდებიან. მართლაც, ზოგიერთი ცნობილი ვარსკვლავური ქალბატონის სამოსის შემხედვარე, მათი საკმაოდ სოლიდური ასაკი ძნელად დასაჯერებელი ხდება. თქვენს ყურადღებას ამჯერად, ცნობილ "ბებიებზე" შევაჩერებ, რომლებიც საკუთარი ასაკის შეუფერებლად იცვამენ და საზოგადოებას ყოველ ჯერზე იმაზე მეტს აჩვენებენ ვიდრე ამას მათგან ელიან.

მადონა

ლეგენდარული მომღერალი 2016 წლის "გრემისა" და "ოსკარის" ცერემონიაზე მეტისმეტად თამამი და "გულახდილი" სამოსით გამოჩნდა, რომელმაც მორიგ ჯერზე თავისი მაღალი თვითშეფასების გრძნობის დემონსტრირება წითელ ხალიჩასთან დავმოყრილი ათასობით ჟურნალისტისა და ფოტოგრაფის წინაშე მოახდინა.

შერი

პლასტიკური ოპერაციებისა და ეპატაჟის "დედოფალი" ასეთ სასცენო კოსტიუმში ლას – ვეგასში გამართულ კონცერტზე გამოვიდა. მისგან ისედაც სხვას არავინ არაფერს ელოდა.

შერონ სტოუნი

რესტორანში მიმავალი "ძირითადი ინსტინქტის" ვარსკვლავი პაპარაცებმა ასეთ ფორმაში დააფიქსირეს. დაავიწყდა თუ არა კინოვარსკვლავს ქალის ქვედა საცვლების ნაწილი - ისტორია დუმს.

პამელა ანდერსონი

რა თქმა უნდა, 53 წლის მსახიობი სულაც არ არის ბებია, მაგრამ მიუხედავად ამისა, ზოგჯერ პასპორტში ციფრებისთვის თვალყურის დევნება მალიბუს მომხიბვლელ მაშველს ნამდვილად არ აწყენდა. მით უმეტეს, რომ მისი შთამბეჭდავი ფორმები "მაშველების" ერთგულ მაყურებელს დღემდე ბრწყინვალედ ახსოვს, თუმცა როგორც ჩანს თავად პემისთვის ეს ასაკმარისია.

სიუზან სარანდონი

74 წლის ჰოლივუდის ვარსკვლავს საკუთარი "ღირსებების" დემონსტრირება განსაკუთრებით ხიბლავს, მაგრამ საჭიროა კი?

ბაი ლინი

ჩინური წარმოშობის ამერიკელი მსახიობი ბაი ლინი - ფენომენალური შემთხვევაა! მიუხედავად იმისა, რომ ლინი თავისი 54 წლის ასაკში ყველას თავისი ბუნებრივი ახალგაზრდობით აოცებს, ის ასევე იმდენად თამამად იცვამს, რომ ყველა მოზარდი თავს მსგავსი სამოსის ჩაცმის უფლებას ვერ მისცემს.

სოფი ლორენი

იტალიური კინოს ლეგენდა, მრავალი საპატიო ჯილდოს მფლობელი, შეუდარებელი - სოფი ლორენი ხშირად საკმაოდ თამამი და "გულახდილი" სამოსის ტარებაშია შემჩნეული, თუმცა კინოვარსკვლავს ზოგჯერ "ახალგაზრდობის დღესასწაული" თუნდაც 86 წლის ასაკშიც აქვს ხოლმე...