ფიქრობდით, რომ გაპარსული ფეხების მოდა მხოლოდ იმიტომ შემოვიდა, რომ ქალებს თმა აწუხებდათ, ან ელემენტარული ჰიგიენურობის გამო? არა, არა და არა.


როგორი უცნაურიც არ უნდა იყოს, ეს “მოდა" მეორე მსოფლიო ომის პერიოდიდან დაიწყო. ქალებისთვის უბრალო კოლგოტები აღარ იშოვებოდა, რადგან ყველანაირი ქსოვილი ჯარისკაცებს ახმარდებოდათ. შიშველი ფეხებით სიარული კი ქალებისთვის სირცხვილი და უტაქტობა იყო.



ქალებმა როგორც ყოველთვის გამოსავალი აქაც მარტივად იპოვეს. მათ დაიწყეს ფეხებზე ფერის გამუქება, შემდეგ სამართებლით იპარსავდნენ, ბოლოს კი სალონებში სპეციალური სტილისტები ხაზებს ავლებდნენ, თითქოს ნამდვილი კოლგოტი ეცვათ.



ამ საქმიანობისთვის სპეციალური პროდუქტებიც კი ჩაუშვეს წარმოებაში, როგორიცაა ტონალური კრემები, ფანქრები და სწორი ხაზის გასავლები სპეციალური მოწყობილობაც კი.




საბოლოო ჯამში, ომი დასრულდა, კოლგოტებიც დაუბრუნდა დახლებს, თუმცა გაპარსული ფეხების მოდა მაინც შემორჩა.