ცნობილი მსახიობი Michael Clarke Duncan-ი 54 წლის ასაკში გარდაიცვალა. იგი ყველზე ცნობილი გახდა ოსკარზე ნომინირებული ფილმით "The Green Mile", რომელიც 1999 წელს გამოვიდა ეკრანებზე და მაშინვე დიდი ყურადღება და პოპულარობა მოიპოვა.

Duncan-ი ლოს ანჯელესის საავადმყოფოში 13 ივლისიდან იმყოფებოდა გულის შეტევის გამო. 2 თვის განმავლობაში იბრძოდა გადარჩენისათვის, თუმცა სამწუხაროდ ორშაბათს დილით გარდაიცვალა.მსახიობი დაიბადა და გაიზარდა ჩიკაგოს სამხრეთ ნაწილში, დედასთან ერთად. სამსახიობო კარიერა კი 30 წლის ასაკში დაიწყო.
ყველაზე პოპულარული ფილმებიდან მაინც "The Green Mile"-ია რომელიც 4 ჯერ იყო ნომინირებული ოსკარზე და 15 სხვადასხვა ჯილდო აქვს მიღებული. დამახასიათებელი ხმის ტემბრის გამო მან გაახმოვანა Kung Fu Panda, King of the Hill, Green Lantern, და სხვა ანიმაციური პერსონაჟები.