ამომავალი მზის ქვეყანაში, იაპონიაში თითქმის არცერთ სახლში არ აქვთ ცენტრალური გათბობა, ამის ნაცვლად, სიცივის მოახლოებასთან ერთად იღებენ ე. წ. “კოტაცუს", ესაა დაბალი მაგიდის, პლედის და გამათბობელის ერთგვარი ჰიბრიდი. სწორედ მისი საშუალებით არიან თბილად და კომფორტულად თავიანთ პატარა სახლებში.

კოტაცუ ტრადიციული იაპონური ავეჯია: დაბალი ხის მაგიდის ჩარჩო, რომელიც დაფარულია იაპონური ფუტონის ლეიბით ან მძიმე პლედით, რომელზეც მაგიდა დევს. პლედის ქვეშ არის სითბოს წყარო, რომელიც ხშირად მაგიდაზეა ჩაშენებული. კოტაცუ სათავეს იღებს კერასგან, მას საკვების მოსამზადებლად იყენებდნენ და ყოველთვის ერთ ადგილას იყო ჩაშენებული. მისი თანამედროვე ანალოგის გადატანა კი უკვე ნებისმიერ ოთახში შეიძლება.