სარაფანა იდეალური სამოსია ზაფხულისთვის - ძალიან გრილია და საუკეთესოდ ნიღბავს გარეგნულ ნაკლს. სამაგიეროდ მაცდურად წარმოაჩენს დეკოლტეს.

არჩევანი ფართოა:

პლაჟზე:

თუ დასასვენებლად ზღვაზე აპირებთ წასვლას, უპირატესობა მოკლე ან საშუალო სიგრძის სარაფნებს მიანიჭეთ. მთავარია, სარაფნები თვალში საცემი ნახატებითა და ფერებით იყოს დამშვენებული. ასეთი მოდელები ზღვისპირა კაფეებისა კლუბებისთვისაც ზედგამოჭრილია.

ყოველდღიური სარაფანი:

თუ თქვენს ოფისში მკაცრი დრესკოდი არ არის დაწესებული, სარაფნის ჩაცმა სამსახურშიც თავისუფლად შეიძლება. ამ შემთხვევაში სარაფნის სიგრძე ფეხის კუნთის შუამდე უნდა ეშვებოდეს, ფეხსაცმელი კი შესაბამისი ფერის უნდა იყოს. თუ უფრო თამამი ბრძანდებით, გრადუირებული ფერებით დამშვენებული სარაფანი შეარჩიეთ და მსუბუქი საჩოგბურთო კედები ან კომფორტული "ბალეტკები" შეუხამეთ.