თანამედროვეობის ერთ-ერთი გამოჩენილი და წარმატებული ამერიკელი ფოტოგრაფი, ენი ლეიბოვიცი ფოტოგრაფიის ისტორიაში ყველაზე ცნობილი პორტრეტისტია, რომლის ფოტოობიექტივში თითქმის ყველა ცნობილი ადამიანი მოხვდა.

ენი საჰაერო ძალების ოფიცრის ოჯახში 1949 წლის 2 ოქტომბერს დაიბადა, ის ექვსი შვილიდან მესამე იყო, მამის სამსახურეობრივი მოვალეობის გამო ოჯახი საცხოვრებელ ადგილს ხშირად იცვლიდა, სწორედ ასე მოხვდა "ფოტოგრაფიის დედოფლად" აღიარებული ენი ლეიბოვიცი ფილიპინებზე, სადაც თავისი პირველი კადრები გადაიღო.

სწორედ სამხრეთ - აღმოსავლეთ აზიის ამ კუნძულოვან სახელმწიფოში გახლდათ მამამისი ვიეტნამის ომის დროს დროებით მივლენილი. მოგვიანებით ენიმ სან - ფრანცისკოს ხელოვნების ინსტიტუტში ჩააბარა, 1970 წლიდან კი, ხელოვანმა ჟურნალ "Rolling Stone"- ში ფოტოგრაფად დაიწყო მუშაობა, ხოლო 1983 წლიდან მან თანამშრომლობა გამოცემა "Vanity Fair" - თან გააგრძელა, რომლისთვისაც ცნობილი ადამიანების პორტრეტული ფოტოების დაუვიწყარი სერიაც შექმნა. წარმოგიდგენთ ფოტოგრაფიის ლეგენდის საოცარ ნამუშევრებს, რომელთა ნახვაც ვფიქრობ რომ ნამდვილად ღირს.

მსახიობი მერილ სტრიპი

კალიფორნიის მომავალი 38-ე გუბერნატორი არნოლდ შვარცენეგერი, 1975 წელი

დედოფალი ელისაბედი

პოპ - კერპი მაიკლ ჯექსონი

ამომავალი ვარსკვლავი ლეონარდო დიკაპრიო

საბჭოთა, მოგვიანებით კი, ამერიკული ბალეტის მოცეკვავე მიხეილ ბარიშნიკოვი და რობ ბესერერი, 1990 წელი

90-იანი წლების ყველაზე პოპულარული მოდელი სინდი კროუფორდი, 1993 წელი

ანჯელინა ჯოლი ვაჟთან, მედოქსთან ერთად

ქეით ბლანშეტი, 2004 წელი

პენელოპე კრუსი და ვუდი ალენი

ბარბადოსელი პოპ-ვარსკვლავი რიანა ჟურნალ "Vogue" – სთვის პოზირებს

მისტერ და მისის ობამები, 2013 წლის აპრილი

ახლა კი წარმოგიდგენთ ყველაზე სკანდალურ კადრებს, რომლებმაც საზოგადოებაში დიდი რეზონანსი გამოიწვია:

დემი მური "Vanity Fair" - ის გერეკანისთვის სრულიად შიშველი პოზირებს, მსახიობს სხეულზე არც მეტი, არც ნაკლები კლასიკური კოსტიუმი აქვს მიხატული.

და კვლავ დემი მური, გამოცემა "Vanity Fair" - ის 1991 წლის აგვისტოს ნომერი, ფოტომ ნამდვილი ფურორი მოახდინა.

ფოტო "Rolling Stone" - ის ლეგენდარული ყდისთვის, ჯონ ლენონისა და იოკო ონოს მონაწილეობით, აღნიშნული ფოტო ენიმ 1980 წლის 8 დეკემბერს, მუსიკოსის მკვლელობამდე რამდენიმე საათით ადრე გადაიღო.

1994 წელს ამერიკელი ფოტოგრაფის ინტერესის ობიექტი 90-იანი წლების ერთ-ერთი ყველაზე პოპულარული წყვილი - სუპერმოდელი ქეით მოსი და ჯონი დეპი გახდა.

მსახიობი ვუპი გოლდბერგი

მომღერალი სტინგი

15 წლის მაილი საირუსი

2011 წელს "Vanity Fair"- ის გარეკანისთვის სკარლეტ იოჰანსონი და კირა ნაითლი გაშიშვლდნენ. ენი ლეიბოვიცის საკმაოდ თამამ ფოტოსესიას არაერთი სახალისო შარჟიც მოჰყვა.

ბოლო რამდენიმე წლის განმავლობაში, ენჯი ფოტოგადაღებებს პრაქტიკულად არ თანხმდებოდა, თუმცა ენის ეს არ ეხებოდა - ისინი კამბოჯაში "Louis Vuitton"- ის სარეკლამო კამპანიისთვის ერთად მუშაობდნენ და ეს თვალწარმტაცი ფოტოც სწორედ მათი ერთობლივი ნამუშევარია.