როგორი იქნება გაზაფხულის 1-ლი თვე ცეცხლის სტიქიის ზოდიაქოს ნიშნებისთვის:

ვერძი

გადახედეთ გარემოცვას, ნივთებს, რომლებთანაც მიჯაჭვულობა გაკავშირებთ. ზოგიერთი შეიძლება განვითარების, სიახლეების მიღების შესაძლებლობას არ გაძლევდეთ და იქნებ, უმჯობესია, მათგან გათავისუფლდეთ. არსებობს სიტუაციები, რომლებიც წარსულში უნდა დატოვოთ და თავად განაგრძოთ განვითარება. მეტად დაისვენეთ, მოერიდეთ რთული საკითხების მოგვარებას თვის ბოლოს ენერგიის მოზღვავებას იგრძნობთ და მერე უფრო გაგიადვილდებათ მოქმედება.

სწავლა, ბიზნესი, კონტაქტები

თანამოაზრეებთან ერთად განიხილეთ ახალი იდეები, მიზნები, საერთო ინტერესები. ზოგჯერ მეგობრებთან საუბარმა შეიძლება დაგამშვიდოთ და ახალი იდეებიც კი გაგიჩინოთ. თვის ბოლოსკენ შეიძლება გაგიტაცოთ მარტოობაში ყოფნამ, კითხვამ, ფენტეზის ჟანრმა. დააკვირდით შინაგან სამყაროს, სიზმრებს. კარგი იქნება, თუ გადახედავთ წარსულ შეცდომებს და მხოლოდ 20 მარტის შემდეგ შეუდგებით მათ გამოსწორებას.

ფული და სიყვარული

მარტის დასაწყისში საყვარელ ადამიანთან ერთად განმარტოება მოგინდებათ. მარტოხელებს კი შეიძლება ფარული კავშირის გაბმა მოუნდეთ. ან უბრალოდ, არ გსურდეთ თქვენი პირადი გრძნობების აფიშირება. გამორიცხული არაა, თქვენს საყვარელ ადამიანზე რაღაც საიდუმლო გაიგოთ. თვის ბოლოს მეტი დრო დაუთმეთ საკუთარი თავის დახვეწა-გაუმჯობესებას, იმიჯის შეცვლას.

ჯანმრთელობა

უამრავი იდეა გექნებათ განსახორციელებელი და ეცადეთ, მხოლოდ ისეთებს შეეჭიდოთ, რაც ნაკლებ ენერგიასა და დროს წაგართმევთ და პოპულარობასა და მატერიალურ კეთილდღეობას მოგიტანთ. გაიუმჯობესეთ ძილის რეჟიმი, მეტად დაისვენეთ და ისეირნეთ სუფთა ჰაერზე. მოერიდეთ გონებრივ, ემოციურ და ფიზიკურ გადაღლას.

13 მარტის შემდეგ გადახედეთ განვლილ თვეს, წელსაც. გამოიტანეთ ობიექტური დასკვნები, გამოასწორეთ დაშვებული შეცდომები, რათა დაშვებული შეცდომების გათვალისწინებით დაიწყოთ ახალი იდეების განხორციელება. ზოგიერთმა შეიძლება თქვენთვის მოინდომოს გულის გადაშლა. დაიცავით ფსიქოლოგიური და სულიერი ბალანსი. თვის ბოლომდე არაფერი მნიშვნელოვანი არ მოიმოქმედოთ.

28 მარტის შემდეგ დააკვირდით საკუთარ პარტნიორებს - სასიყვარულოსაც და საქმიანსაც. ზოგიერთთან უნდა შეცვალოთ დამოკიდებულება. დაიცავით ბალანსი მათთან ურთობისას, რათა არც საკუთარ თავი დაიზაროთ და არც მათი დახმარებით ისარგებლოთ ბოროტად. ახალი ხელშეკრულებები დიდი დაკვირვებით გააფორმეთ.

ლომი

თვის დასაწყისში მეტად იქნებით დაკავებული პარტნიორული საქმეებისა და ფინანსური საკითხების მოგვარებით. ზოგმა შეიძლება ახალი ბიზნესპროექტები განახორციელოთ ან სხვისი ფული დააბანდოთ თქვენთვის მნიშვნელოვან საქმეში. ახალი ბიზნესპარტნიორები დიდი გულისყურით შეარჩიეთ. გამორიცხული არაა, რომ გაგიტაცოთ ოკულტურმა და ეზოთერიკულმა სფეროებმა.

სწავლა, ბიზნესი, კონტაქტები

გახშირდება საქმიანი შეხვედრები, საინტერესო შემოთავაზებებს მიიღებთ და ხანდახან თქვენთვის სრულიად უცხო ადამიანებისგანაც კი. იყავით დაკვირვებული, რას გეუბნებიან და რას ამბობთ თავად. შეიძლება მოგიწიოთ თებერვალში დაწყებული საქმეების მოგვარება. 16 მარტიდან არ გირჩევთ აფერისტებთან საქმეების დაჭერას და უფრო მეტიც, არც თავად მოინდომოთ თაღლითური პროექტების განხორციელება. გაიუმჯობესეთ ფსიქოლოგიური დამოკიდებულება საქმიან პარტნიორებთან.

ფული და სიყვარული

თქვენი ცხოვრება ახალი შეგრძნებებით იქნება აღსავსე. შეიძლება არსებულ პარტნიორთან გაგიუმჯობესდეთ სექსუალური ცხოვრება ან ახალი ადამიანი გამოჩნდეს თქვენს ცხოვრებაში, რომელიც დაუვიწყარ სიამოვნებას მოგანიჭებთ. დაკვირვება გმართებთ პარტნიორთან ფინანსური საკითხების მოგვარებისას. განსაკუთრებით, თუ ფინანსები მისია. ფული მხოლოდ სარფიან საქმეებში დააბანდეთ.

ჯანმრთელობა

გააქტიურდება მეგობრული შეხვედრები. თავად აქტიური იქნებით, რომ მეგობრებთან ერთად ჩაერთოთ საეთო საქმეებში. მოიმატებს სოციალურ ცხოვრებაში აქტიურობის სურვილი. შეკრიბეთ თქვენი მეგობრები და ჩამოაყალიბეთ სპორტული გუნდი, ვისთან ერთადაც ბუნებაში სხვადასხვა თამაშით გაერთობით. მოუფრთხილდით კანს და შარდსასქესო სისტემას.

13 მარტის შემდეგ მოქმედების ძალა მოგემატებათ და რაღაც გრანდიოზულის შექმნის სურვილი გაგიჩნდებათ. მეტი დრო დაუთმეთ თვითგანვითარებას. ხანდახან ფარულ მეცნიერებებსაც მიაქციეთ ყურადღება.

28 მარტის შემდეგ მოგემატებათ ვალდებულებები, გახშირდება მიმოსვლები, სატელეფონო ზარები. დოკუმენტები დაკვირვებით გააფორმეთ. შეიძლება შემთხვევით მოისმინოთ, როგორ ავრცელებენ თქვენს ზურგს უკან ჭორებს. მეტად დაინტერესდით ნათესავებით.

მშვილდოსანი

გამონახეთ დრო საოჯახო საქმეების მოსაგვარებლად, ზოგიერთმა შეიძლება რემონტის დაწყება გადაწყვიტოთ ან თუ დაწყებული გაქვთ, დაასრულოთ. გახშირდება მიმოსვლები ნათესავებთან. უმეტესობა საქმეების მოგვარებაში დაგეხმარებათ. შეიძლება თქვენმა ერთ-ერთმა ნათესავმა გასახელოთ და ამაყი იყოთ მის გამო. ზოგიერთს მოგინდებათ ოჯახური ტრადიციების აღდგენა. იყავით მზრუნველი მშობლებისა და შვილების მიმართ.

სწავლა, ბიზნესი, კონტაქტები

მარტის დასაწყისში გახშირებული იქნება საქმიანი, ნათესავური და მეგობრული შეხვედრები. ზოგიერთს მივლინებაც გელით. იყავით დაკვირვებული დოკუმენტების გაფორმებისას. საზოგადოებაში მეტად გამოავლინეთ თქვენი შესაძლებლობები და ინტელექტი. შეიძლება მოგინდეთ კვალიფიკაციის ასამაღლებელ კურსებზე ჩაწერა, ცოდნის გაღრმავება, ეს ყველაფერი იმისათვის, რომ სამსახურში წარმატებას მიაღწიოთ. 16 მარტიდან მეტად ჩაერთეთ საოჯახო ვალდებულებების შესრულებაში. გააუმჯობესეთ დამოკიდებულება ნათესავებს შორის.

ფული და სიყვარული

სიყვარული და რომანტიკული თავგადასავლები გახდება მნიშვნელოვანი. მოგინდებათ ფლირტი, საყვარელ ადამიანთან ურთიერთობის გაუმჯობესება. მარტოხელებს კი - დაწყვილება. შეყვარებულებმა შეიძლება ერთად ცხოვრება გადაწყვიტოთ. სხვათა შორის, კარგი თვეა ნიშნობისა და ჯვრისწერისთვის. სახლში შექმენით ჰარმონიული გარემო, რომ ყოველ საღამოს შინ მიგეჩქარებოდეთ. იზრუნეთ ასაკობრივ ნათესავებზე. ფული შეიძლება ნათესავებისგანაც მიიღოთ.

ჯანმრთელობა

ენერგიული და მიზანმიმართული ხართ, მოიმატებს სექსუალური ენერგია, მაგრამ ეცადეთ, საყვარელ ადამიანთან არც კი იკამათოთ, სხვა უსიამოვნება ხომ გამორიცხულია... მოერიდეთ ურთიერთობის დაძაბვას საქმიან პარტნიორებთანაც. ნუ იქნებით ზედმეტად მომთხოვნი და აგრესიული გარშემო მყოფებისადმი. მარტში უნდა გაუფრთხილდეთ კბილებს, შარდ-სასქესო სისტემას.

13 მარტის შემდეგ იზრუნეთ ბინის კეთილდღეობაზე, მოაწესრიგეთ ყველა გაუმართაობა. შეიძინეთ ახალი ავეჯი ან გადაახალისეთ ძველი. ეცადეთ, ჰარმონია იყოს ოჯახის წევრებს შორის.

28 მარტის შემდეგ მოგინდებათ მეგობრული შეხვედრები, სოციალურ ქსელებში აქტიურობა. შეიძლება ზოგიერთი პროექტი მეგობრებთან, თანამოაზრეებთან ერთად განახორციელოთ. ზოგიერთმა შეიძლება დაასრულოთ სწავლა რაღაც ჯგუფში ან გადახვიდეთ ახალში. მიიღოთ შედეგი კოლეგებთან ერთად შესრულებულ საქმეებში.

ასევე ნახეთ:

როგორი იქნება მარტი კირჩხიბის, მორიელისა და თევზებისთვის - თვის ასტროლოგიური პროგნოზი წყლის ნიშნებისთვის

ზოდიაქოს ნიშნები, ვისთვისაც 20 მარტამზე წარმატებული პერიოდია - "ამ თვეში რამდენიმე ფარულ ამბავს აეხდება ფარდა, ძალიან საინტერსო ამბები გველის"

როგორი მარტი ელით მიწის სტიქიის ზოდიაქოს ნიშნებს - პროგნოზი კუროს, ქალწულისა და თხის რქისთვის

ნახეთ სხვა საინტერესო სტატიები არხზე - მაია 24