უძველესი დროიდან ცხოველები მონაწილეობდნენ ომებში. ცხენი თითქმის ყოველთვის, ზოგჯერ გიგანტური სპილოები და სასტიკი ძაღლები იღებდნენ მონაწილეობას, ხოლო ფრინველებს იყენებდნენ არა თავდასხმისთვის, არამედ გადაუდებელი შეტყობინებებისა და ბრძანებების გადასაცემად, ან დასაზვერად.

პირველი მსოფლიო ომი ერთ-ერთი ყველაზე ამბიციური ომი იყო მტრედების გამოყენების თვალსაზრისით. 1918 წლის 3 ოქტომბერს, აშშ-ს 77-ე ქვეითი დივიზიის 500-მა ჯარისკაცმა მტრის ტერიტორია გაარღვია, სადაც ხანგრძლივი ბრძოლის შემდეგ ისინი ალყაში მოაქციეს. ჯარისკაცებს რეზერვში 4 გადამზიდი მტრედი ჰყავდათ. მეთაურმა გადაწყვიტა შტაბში 1 მტრედი გაეგზავნა საარტილერიო დახმარების თხოვნით, მაგრამ რელიეფის უცოდინრობის გამო შეტყობინებამ რაზმის არასწორი კოორდინატები გაგზავნა. არტილერიამ შეცდომით დაიწყო მოკავშირეების მიმართულებით სროლა, დანაყოფმა დაკარგა პერსონალის ნახევარი. ამერიკელებმა შტაბში კიდევ 2 მტრედი გაგზავნეს შესწორებული კოორდინატებით. როგორც კი მოწინააღმდეგე მხარემ მტრედები დაინახეს ცეცხლი გაუხსნეს და ორივე მოკლეს.

გარშემორტყმულებს ბოლო შანსი დარჩათ, მტრედი ფრანგული სახელით შერ ამი. როგორც კი შერ ამი ჰაერში გამოჩნდა, მტერმა ცეცხლი გაუხსნა, ფრინველს ტყვია მკერდში მოხვდა და ფეხი დაუზიანდა. ყველაფრის მიუხედავად, მან მაინც შეძლო გერმანიის პოზიციების გავლით ფრენა და დასახული ამოცანა შეასრულა. მოკავშირეები, რომლებიც სამაშველოდ მივიდნენ, ალყაში მოქცეულები გაარღვიეს და მათი ტერიტორიების დაბრუნებაში დაეხმარნენ. 194 ჯარისკაცის სიცოცხლე გადაარჩინა მტრედმა სახელად შერ ამი. ექიმებმა გადაარჩინეს მტრედი და ეროვნული გმირის წოდება მიანიჭეს, ასევე გადაეცა საფრანგეთის სახელმწიფო სამხედრო ჯილდო. ერთი წლის შემდეგ ბუნებრივი სიკვდილით გარდაიცვალა, მისი ფიტული ინახება შეერთებულ შტატებში, სმიტსონიანის ინსტიტუტში.