პერუში ცხოვრობდა ქალი, რომელიც ითვლება ყველაზე ახალგაზრდა დედად მედიცინის ისტორიაში: მან 5 წლის ასაკში გააჩინა თავისი პირველი ბავშვი. შემდეგში ლინა მედინა გაურბოდაინტერვიუებს, რადგან არ უყვარდა საჯარო გამოსვლები. მან საბოლოოდ არ გაამხილა მთავარი საიდუმლო: ვინ იყო ბავშვის მამა. თუმცა ეს ერთად-ერთი დამალული ფაქტი არაა ლინა მედინას ისტორიაში.

როგორ გაუჩნდა ბავშვი ბავშვს?

ერთი შეხედვით ჩვეულებრივი გოგონა დაიბადა 1933 წელს, ღარიბ სოფელში. 1939 წლის 14 მაისს მან გააჩინა ბავშვი, ის იმ დროს იყო 5 წლის და 7 თვის.

თავიდან მის ფეხმძიმობაზე არავინ დაფიქრებულა: ბავშვი მშობლებმა ექიმთან მაშინ წაიყვანეს, როცა ბავშვის მუცელი დამრგვალდა და ეგონათ, რომ მას სიმსივნე ჰქონდა. თუმცა ექიმებმა მათ შეატყობინეს დაუჯერებელი ამბავი: გოგონა 7 თვის ფეხმძიმე იყო.

ექიმმა ხერარდომ გოგონა ლიმაში წაიყვანა გამოკვლევისთვის. ორსულობა იქაც დაადასტურეს. შემდეგში გაირკვა, რომ ადრეულ ასაკში ლინამ განიცადა ჰორმონალური დარღვევა, რის შედეგადაც მისი სქესობრივი მომწიფება ძალიან ადრე მოხდა. 8 თვის ასაკში მას ქონდა უკვე მენარქე, ხოლო 4 წლის ასაკში ოთხი წლის ასაკში დაიწყო მისი მკერდის განვითარება. 5წლის ასაკში დაიწყო მენჯის ზრდა.

ამის მიუხედავად, ის ჯერ კიდევ პატარა იყო და ბუნებრივი მშობიარობა შეუძლებელი იყო. ლინას საკეისრო კვეთა ჩაუტარდა და დაიბადა ჯანმრთელი ბიჭი, რომლის წონაც 2700 გრამი იყო. მას ლინას ექიმის სახელი ჰერარდო დაარქვეს.