მიუხედავად იმისა, რომ იაპონიაში დანარჩენ მსოფლიოსთან შედარებით დანაშაულის ყველაზე დაბალი მაჩვენებელი ფიქსირდება და ასევე, სიცოცხლის საშუალო ხანგრძლივობითაც ამომავალი მზის ქვეყანა მოწინავე პოზიციებს იკავებს, ეს ყოველივე არანაირად არ აისახება იმაზე, რომ იაპონელებმა ზომიერი დალევა არ იციან და წვეულების შემდეგ აზრზე მოსასვლელათაც სხვებთან შედარებით გაცილებით დიდი დრო სჭირდებათ. ეს ფოტოები ბრიტანელმა ფოტოგრაფმა და "Tokyo Times"-ის დამფუძნებელმა ლი ჩეპმენმა გადაიღო, რომელიც იაპონიის დედაქალაქში 1998 წელს "ერთი-ორი წლით" ჩავიდა, თუმცა იქ სამუდამოდ დარჩა.

ხელოვანი თავის ნამუშევრებში იაპონიის რეალურ ცხოვრებას ასახავს, რომლის შესახებაც ცოტამ თუ იცის. ჩვენ დიდი ხანია მიჩვეულები ვართ შთამბეჭდავი, არაორდინარული კოსპლეერებისა და ულტრა თანამედროვე იაპონელი ახალგაზრდების ფოტოების ხილვას, თუმცა პირდაპირ ქუჩებში, დღისით - მზისით, მძინარე მდგომარეობაში მყოფი მთვრალი ადამიანების ნახვა რაღაც ნოუ-ჰაუა, რომელიც ვფიქრობ თანამედროვე ტექნოლოგიების ქვეყნად წოდებულ იაპონიას სულ სხვა თვალით დაგანახებთ.