ფილმები, რომლებსაც 2021 წელს მოუთმენლად ელიან (+ ტრეილერები)

კინო

2021, 5 იანვარი, 20:00

პანდემიის გამო 2020 წელს არაერთი ფილმის პრემიერა გადაიდო, რაც იმას ნიშნავს, რომ კინოს მოყვარულები 2021 წელს კიდევ უფრო მოუთმენლად ელიან როდის გამოვა მათთვის საინტერესო ფილმები დიდ ეკრანზე.

განაგრძეთ კითხვა თუ გსურთ, მეტი გაიგოთ იმ ფილმების შესახებ, რომელთა პრემიერაც 2021 წელს შედგება.

Fast & Furious 9 ("ფორსაჟი 9")

გამოსვლის თარიღი: 28/05/2021

ბევრისთვის საყვარელი სათავგადასავლო ფილმის მეცხრე ნაწილში დომინიკ ტორეტო, რომლის როლსაც ვინ დიზელი ასრულებს, და მისი გუნდი მსოფლიოში ყველაზე ნიჭიერ ასასისნებს ებრძვიან. ფილმში გამოჩნდება ჰან ლუც, რომელიც გულშემატკივარს დიდი ხნის მკვდარი ეგონა.

„ფორსაჟი 9“-ის ეპიზოდის გადაღებები თბილისსა და რუსთავში 2019 წლის 19 აგვისტოდან 20 სექტემბრამდე მიმდინარეობდა.

No Time to Die („სიკვდილის დრო არ არის“)

გამოსვლის თარიღი: 02/04/2021

ჯეიმს ბონდის შესახებ გადაღებულ 25-ე ფილმში მთავარ როლს დენიელ კრეიგი ასრულებს. ყველასთვის ცნობილ, უკვე პენსიაზე გასულ აგენტ 007-ს ძველი მეგობარი, ფელიქს ლეიტერი დახმარების სათხოვნელად დაურეკავს. გატაცებული მეცნიერის გადარჩენის მისია ჯეიმს ბონდს საშიში ტექნოლოგიებით შეიარაღებულ, იდუმალ ბოროტმოქმედთან დააპირისპირებს.

Black Widow („შავი ქვრივი“)

გამოსვლის თარიღი: 07/05/2021

მარველის ფილმში, რომელსაც მაყურებელი დიდი ხნის განმავლობაში ელოდა, მოვლენები 2016 წელს გადაღებული "კაპიტანი ამერიკა: სამოქალაქო ომის" შემდეგ ვითარდება. ფილმში ნაჩვენები იქნება ნატაშა რომანოვის (სკარლეტ იოჰანსონი), როგორც ჯაშუშის, წარსული, სანამ ის შურისმაძიებელი გახდებოდა.

Dune ("დიუნი")

გამოსვლის თარიღი: 01/10/2021

გახმაურებული სამეცნიერო ფანტასტიკის პრემიერა HBO Max-სა და კინოთეატრებში შედგება. ახალგაზრდა ჰერცოგის, პოლ ატრეიდისის როლს, რომელიც პლანეტა Arrakis-ზე კონტროლის დამყარებისთვის იბრძვის, ტიმოთი შალამე შეარულებს. ვარსკვლავებით დაკომპლექტებულ ფილმში ასევე მონაწილეობენ ზენდაია, რებეკა ფერგუსონი, ჯეისონ მომოა და სხვები.

Morbius ("მორბიუსი")

გამოსვლის თარიღი: 19/03/2021

ჯარედ ლეტო მარველის სამყაროს შეუერთდა. იგი ბიოქიმიკოს მაიკლ მორბიუსის როლს შეასრულებს, რომელიც შემთხვევით საკუთარ სისხლში ინექციას შეიყვანს, რაც მასში ვამპირიზმის ნიშნებს გამოიწვევს. თუ ფილმი კომიქსის მიხედვით განვითარდება, შესაძლოა ლეტოს პერსონაჟი ტომ ჰოლანდის ადამიან ობობასაც შეხვდეს.