მიუხედავად იმისა რომ ვარსკვლავების გარეგნულ იმიჯზე პროფესიონალთა მთელი ჯგუფი მუშაობს, ზოგიერთ შემთხვევაში სამოსთან დაკავშირებული კონფუზები მაინც ხდება, მაგრამ ერთია, თუ შეცდომა სელებრითს მოსდის და სულ სხვაა, როდესაც მსგავსს უხერხულ სიტუაციაში არც მეტი, არც ნაკლები სასექსის ჰერცოგინია ვარდება. წარმოგიდგენთ მეგან მარკლის რამდენიმე ფეშენ- ფიასკოს, რომელიც მსოფლიო მედიას შეუმჩნეველი არ დარჩენია.

წყვილის მიერ ნიშნობის გამოცხადების დღე - მეგანი მაშინ მართლაც რომ შესანიშნავად გამოიყურებოდა, რომ არა ერთი უხერხული დეტალი.

გოგონამ ამ მნიშვნელოვანი დღისთვის არა ახალი, არამედ საკმაოდ გაცვეთილი, ძველი ფეხსაცმელი შეარჩია. როგორც ჩანს, მასში ის თავს ყველაზე კომფორტულად გრძნობდა, თუმცა საზოგადოებამ ამ ფაქტის გამო ბრიტანეთის სამეფო ოჯახის მომავალი წევრი საკმაოდ მწვავედ გააკრიტიკა.

ქვედა საცვლები - ამ შემთხვევაში კი, ნამდვილად უკეთესი იქნებოდა მეგანს სხვა სამოსი შეერჩია.

გარდა იმისა, რომ ქვედაბოლო საკმაოდ დაკუჭული იყო, გოგონამ ვერც სწორი ინტიმური თეთრეულის შერჩევა მოახერხა. სხვათა შორის, იმ დღეს ყველამ გაიგო, თუ როგორი საცვალი ეცვა სასექსის ჰერცოგინიას ბოლოკაბის ქვეშ.

წარბები, უფრო სწორად მათი არარსებობა

საიდუმლოს არავისთვის წარმოადგენს ის ფაქტი, რომ მეგანი წარბებს იღებავს, თუმცა იმ დღეს ის ან ჩქარობდა, ან ყურადღება არ მიუქცევია შეუღებავი წარბებისთვის, რისთვისაც ის "ჰეითერების" მხრიდან დაცინვის მთავარი ობიექტი გახდა.