სოციალურ ქსელებში პოპულარულია რუსული Comedy Club-ის ერთ-ერთი "სკეტჩი", რომელშიც ჯგუფი ა სტუდიოს წევრები და მოსკოვში მცხოვრები სამი ქართველი - ქეთა თოფურია, აჩი ფურცელაძე და ზურაბ მატუა მონაწილეობენ. ეს უკანასკნელი კლუბის მუდმივი მსახიობია. ეს არის მუსიკალური წარმოდგენა სახელწოდებით - "თბილისის აეროპორტში". მსახიობებმა თანამედროვე ქართული ფოლკლორის და ცეკვის გამოყენებით შექმნეს სიუჟეტი - რა ხდება მაშინ, როდესაც თბილისის აეროპორტში ჩამოსული ტურისტი ქალი ბარგს კარგავს.
აღსანიშნავია, რომ სკეტჩი რამდენიმე თვის წინ გადაიცა ეთერით, თუმცა, სოციალური ქსელების ქართველი მომხმარებლისთვის აქტუალური ბოლო ორი დღეა რაც გახდა. Myvideo.ge-ზე მას 10 000-ზე მეტი მნახველი და და 300-ზე მეტი მოწონება აქვს.
რაც შეეხება გამოხმაურებებს, კომენტატორთა უმრავლესობა პოლიტიკურ ჭრილში განიხილავს სკეტჩს და წარმოდგენას ქართველების დაცინვად აღიქვამს. მეორე ნაწილი კი, მოუწოდებს სხვებს, ხუმრობასა და პოლიტიკას შორის განსხვავება დაინახონ და იუმორზე უბრალოდ, გაიცინონ.