რამდენიმე დღის წინ ფინეთის 34 წლის პრემიერ-მინისტრის სანა მარინის ახალმა ფოტომ დიდი სკანდალი გამოიწვია. ყველაფერი კი ჟურნალ Trendi სთვის გადაღებული ფოტოებით დაიწყო. ფოტოში მარინი შავი დეკოლტიანი პიჯაკით პოზირებს, რომელიც შიშველ სხეულზე აცვია, დეკოლტეზე აქცენტს ასევე ვინტაჟური Kalevala -ს ყელსაბამიც აკეთებს.

ფოტოსურათებმა ინტერნეტ სივრცეში კრიტიკა გამოიწვია, ერთმა ნაწილმა ჩათვალა, რომ ამდაგვარი თამამი ფოტოსურათები პრემიერ-მინისტრს არ შეშვენის და მას უბრალოდ არ აქვს უფლება ჟურნალის გარეკანზე გამოჩნდეს “ნახევრადშიშველი".

მეორე ნაწილმა კი პირიქით, მხარი დაუჭირა სანა მარინს და სოლიდარობის მიზნით ე. წ. ფლეშმობიც მოეწყო ინტერნეტ სივრცეში, სადაც ქალები, კაცები და მათი ძაღლებიც კი პიჯაკებით პოზირებდნენ შიშველ ტანზე.

სანა მარინი ფინეთის პრემიერ-მინისტრი წინა წელს გახდა, და ისტორიაშიც შევიდა, როგორც ყველაზე ახალგაზრდა დანიშნული პრემიერ-მინისტრი მსოფლიოში.