მტვერი - 10 დან 0, 01 მიკრონამდე (მიკრონი - 1/ 1000 მილიმეტრი) პატარა ზომის ობიექტებია. როგორც წესი, ეს არის მკვდარი კანის, ტანსაცმლის, ბეწვის და ცხოველების ეკსკრემენტების, საყოფაცხოვრებო საგნების, ნიადაგის, ქაღალდის, სამშენებლო მასალების, ყვავილების მტვერის, ტრანსპორტის გამონაბოლქვის და ასე შემდეგ ნაწილაკებია. გარდა ამისა, მტვერის 80% შეიცავს სოკოების სპორებს, მიკროორგანიზმებს და ბაქტერიებს. ამიტომ, მტვერი დაავადებების წყაროც შეიძლება გახდეს, თუ მას არ შევებრძოლებით.

თანამედროვე ქალაქის საცხოვრებელ ბინაში ერთი წლის განმავლობაში 10 კილოგრამამდე მტვერი გროვდება. ამ რაოდენობის დაახლოებით 30 % - 40 % თვითონ მაცხოვრებლების მიერ გამომუშავდება, დანარჩენი კი შემოდის ფანჯრებიდან და კარებიდან.

თუმცა მტვერი არა მხოლოდ მავნებელი, სასარგებლოცაა!

ის მავნებელია კონკრეტული ადამიანისთვის, ხოლო სასარგებლოა პლანეტის მცხოვრებთათვის მთლიანობაში. საქმე იმაშია, რომ დედამიწის ატმოსფეროში არსებული მტვრის მოცულობა მის კლიმატზე ახდენს გავლენას. მტვრის ნაწილაკები შთანთქავენ მზის რადიაციის ნაწილს და ასევე მონაწილეობენ ღრუბლების ფორმირებაში.

ბუნებაში მტვერი მუდმივ მოძრაობაშია ქარების და ნალექების გამო. ამიტომ, თქვენს ფანჯრის რაფაზე მარტივად შეიძლება აღმოჩნდეს ვეზუვის ვულკანის ფერფლი, კარადაზე კი - უდაბნოს ნაწილაკები.

და კიდევ- იცით თუ არა, რომ სამყარო სავსეა კოსმოსური მტვრით. ყოველდღიურად კი ჩვენს პლანეტაზე 60-დან 100 ტონამდე მტვერი ჩამოდის!

იხილეთ ასევე: