ირინა შეიკი, ანუ იგივე ირინა შეიხისლამოვა ჩელიაბინსკის ოლქის ქალაქ ემანჟელინსკში დაიბადა. ირინა14 წლის იყო, როცა მამა ფილტვების სიმსივნით გარდაეცვალა. დედა მუსიკის მასწავლებელი იყო და რამდენიმე ადგილას მუშაობდა, რომ ორი ქალიშვილი ერჩინა. ირინას გარეგნობა მუდამ ყურადღებას იქცევდა, მაგრამ ცნობილი მას შემდეგ გახდა, რაც ჩელიაბინსკში გამართულ სილამაზის კონკურსში გაიმარჯვა. ასე დაიწყო ირინას კარიერის წინსვლა, შემდეგ იყო ევროპული მოდის სამყარო, საბოლოოდ კი ირინა ამერიკაში გადაბარგდა. დღეს ის Intimissimi-ის სახეა და ხშირად ჩნდება მოდური ჟურნალების გარეკანზე.