თავის ტვინის ლიმბური ნაწილი პასუხისმგებელია სუნთქვაზე, გულის რითმზე, არტერიულ წნევაზე, ჰორმონალურ ბალანსზე და მეხსიერებაზე. ჩვენ შეგვიძლია გავლენა მოვახდინოთ ლიმბურ სისტემაზე ჩვენი ყნოსვის საშუალებით, გარკვეული ეთერზეთების არომატის ჩასუნთქვით. როდესაც მათი მოლეკულები აღწევს ცხვირის გავლით რეცეპტორებში თავის ტვინის ლიმბურ სისტემასთან, ჩვენი ფიზიკური, ემოციური და ფსიქოლოგიური მდგომარეობა იცვლება. შესაბამისად, შეგვიძლია გამოვიყენოთ ეს მძლავრი ინსტრუმენტი ჯანმრთელობის გასაძლიერებლად.

ეთერზეთების გამოყენება სხვადასხვა დარღვევებისა და დაავადებების წინააღმდეგ ბრძოლაში, ჯანმრთელობის აღდგენის ყველაზე უსაფრთხო გზაა, რადგან აღნიშნული საშუალება პრაქტიკულად არ იძლევა გვერდით მოვლენებს. ზოგიერთი ეთერზეთის შესუნთქვა ხელს უწყობს ტვინის მუშაობის გაუმჯობესებას და ტვინის დაზიანების შედეგების შეცვლასაც კი. მოდით ვისაუბროთ იმაზე, თუ ზუსტად რომელი საშუალება უნდა გამოვიყენოთ და რა შემთხვევებში.

სამკურნალო ეთერზეთი ტვინისთვის

საკმევლის ეთერზეთი ხელს უწყობს ტვინის აქტივობის გაუმჯობესებას. მისი წარმოებისთვის გამოიყენება ხის ქერქი.

• ამცირებს ანომალიური უჯრედების სიცოცხლისუნარიანობას, მათ შორის სიმსივნურის;
• ხელს უშლის თავის ტვინის უჯრედების კვდომას;
• ანთების საწინააღმდეგო თვისების წყალობით, ხელს უწყობს მდგომარეობის გაუმჯობესებას აუტოიმუნური დაავადებების დროს, მათ შორის – ბრონქული ასთმა, წყლულოვანი კოლიტი, რევმატოიდული ართრიტი, კრონის დაავადება;
• ამცირებს თავის ტვინის შეშუპებას ონკოლოგიურ პაციენტებში, რომლებმაც გაიარეს სხივური თერაპია;
• ხელს უწყობს ათეროსკლეროზის შედეგების და ქრონიკული ანთების აღმოფხვრას.

კვლევები, თუ რამდენად პოზიტიური გავლენა აქვს საკმევლის ეთერზეთს ტვინზე, ჩატარდა 2015 წელს. გამოქვეყნებულია მონაცემები ინსულტის შემდეგ ტვინის დაქვეითებული ფუნქციის მქონე პაციენტების მკურნალობის პოზიტიური დინამიკის შესახებ საკმევლის ზეთის ინჰალაციის დროს.

დიფუზორის მეშვეობით ეთერზეთის ჰაერში გაშვებას შემდეგი დადებითი ეფექტი გააჩნია:

• აუმჯობესებს აზროვნების უნარს და ახდენს ყურადღების კონცენტრაციას;
• ააქტიურებს ენდორფინების წარმოებას;
• არეგულირებს საჭმლის მომნელებელი სისტემის მუშაობას;
• ხსნის კუნთებისა და ემოციურ დაძაბულობას;
• ამცირებს ბაქტერიებისა და სოკოების რაოდენობას;
• აუმჯობესებს ჰორმონალურ ბალანსს;
• ხსნის თავის ტკივილს.

დამტკიცებულია, რომ კომბინირებულად რამდენიმე ეთერზეთს, მათ შორის საკმევლის, იყენებენ 6 – 12 წლის ჰიპერაქტიურ ბავშვებში ყურადღების ნაკლებობის სინდრომის სამკურნალოდ. ბავშვები 30 დღის მანძილზე ისუნთქავდნენ სამკურნალო ეთერზეთების არომატს, რისი წყალობითაც გაუმჯობესდა მათი ქცევის მანერა და ტვინის მუშაობა.

მისი თერაპიული ღირებულება დამოკიდებულია ქიმიური კომპონენტების ხარისხზე, რომელზეც მრავალი ფაქტორი ახდენს გავლენას, მატ შორისაა:

• ნიადაგის მდგომარეობა;
• გამოყენებული სასუქი;
• დისტილაციის პროცესი;
• კლიმატური პირობები.

100% ორგანული ეთერზეთის მიღება პოზიტიურ გავლენას ახდენს ორგანიზმზე და ფსიქოლოგიურ მდგომარეობაზე.