ქსელში გამოჩნდა ვიდეო, რომელიც ნიუ იორკის ერთ-ერთი ქუჩის სათვალთვალო კამერებიდან არის ამოღებული .

კადრებში აღბეჭდილი ველოსიპედისტის თავდასხმა მოხუც ქალზე. ლურჯ პერანგში გამოწყობილი ხანშიშესული ქალი, სახანძრო დეპოს მახლობლად მიდიოდა, როდესაც გამვლელმა ველოსიპედისტმა მუშტი დაარტყა მას სახეში.ქალი ადგილზე წაიქცა.

ინციდენტს შეესწრენ მეხანძრეები, რომლებიც იმავე წამს გამოენთნენ და თავდამსხმელს გაეკიდნენ. კაცები მას დაეწივნენ, ასფალტზე დააგდეს და პოლიციის მოსვლამდე დააკავეს.

თავდამსხმელი აღმოჩნდა 53 წლის შავკანიანი მამაკაცი, რომელიც უკვე 18 -ჯერ იყო დაკავებული. მათ შორის იყო მინიმუმ ერთი თავდასხმა ადამიანზე და ერთიც ძარცვა. დაკავებული არ იცნობდა ქალს და გაურკვეველია მისი თავდასხმის მოტივი.

53 წლის მამაკაცი ბოლოჯერ 2 აგვისტოს დააკავეს, მას შემდეგ, რაც მან 26 წლის მამაკაცს მუშტი გაარტყა სახეში.