ჟურნალის ირაკლი იმნაიშვილის კითხვაზე, რატომ იღებდა მაინც დეპუტატის ხელფასს 4 წლის განმავლობაში, მას შემდეგ რაც პარლამენტის მანდატი დახია და ბოიკოტი გამოუცხადა მაშინდელ ხელისუფლებას, ნათელაშვილმა უპასუხა, რომ დეპუტატად იყო არჩეული და ეს აღებული ხელფასი ეკუთვნოდა.

"„დეპუტატად არჩეული ვიყავი და ხელფასი მეკუთვნოდა. დეპუტატობაზე არა, პარლამენტში შესვლაზე ვთქვი უარი, მაგრამ დეპუტატობის შეწყვეტაზე უარი გვითხრა ჩვენ პარლამენტმა. მე უფასო საშუალო განათლება ვაჩუქე ჩემს ქვეყანას და რამდენიმე მილიარდი ლარი ვაჩუქე. ჩვენ რომ დენის ტარიფი დავწიეთ 7 თეთრამდე და 11 თეთრამდე თბილისში 3 წლის განმავლობაში, 3 მილიარდი ვაჩუქე ქვეყანას და ხელფასს მითვლით? 30 წელი პოლიტიკაში ნამყოფ პიროვნებას უთვლიან - რამდენი მოიპარა, ბიუჯეტიდან რამდენი წაიღო, რამდენი ჩუმი ბიზნესი გაიკეთა, რამდენი ქონება სხვის სახელზე გაიფორმა? დამითვალეთ, კი ბატონო“, - განაცხადა ნათელაშვილმა.

ლეიბორისტთა ლიდერი, როგორც ჩანს აგრეთვე გააღიზიანა იმნაიშვილის კითხვამ, სადაც ჟურნალისტი ახსენებს, რომ "ქართული ოცნების“ პერიოდში ლეიბორისტულმა პარტიამ დაფინანსების სახით 2, 881 699 ლარი მიიღო.

„ვანო ჩხარტიშვილმა დაღუპა ჩვენი ქვეყნის ეკონომიკა, ის არის ივანიშვილთან ერთად თანამმართველი და თქვენ ბრძანდებით ვანო ჩხარტიშვილის ჟურნალისტი“, -განაცხადა ნათელაშვილმა.

ლეიბორსიტმა ლიდერმა ისიც დასძინა, როცა იგი(იმნაიშვილი) ჩხარტიშვილის ტელეკომპანია „მზეში“ ხელმძღვანელად მუშაობდა, შემდეგ ბიზნესმენმა ის ლონდონში წაიყვანა, რაზეც იმნაიშვილმა უპასუხა. რომ მან დედოფლის სტიპენდია მიიღო და ლონდონში თავისმა განათლებამ წაიყვანა.