კულტურა
155 კილოგრამიანმა ტესი ჰოლიდეიმ მინი ქვედაბოლოში ყველა გააოცა
2020, 31 ივლისი, 21:50
ტესი ჰოლიდეი ერთ - ერთი ყველაზე პოპულარული "პლუს - ზომის" ამერიკელი მოდელია, რომელიც მსოფლიოში ცნობილი თავისი უჩვეულო და მიმზიდველი გარეგნობით გახდა, 165 სმ - ის სიმაღლის გოგონა არც მეტი, არც ნაკლები - 155 კილოგრამს იწონის. ტესის მთავარი ხიბლი კი, ჭარბი წონის მიუხედავად, სწორედ მის სასიამოვნო გარეგნობაშია.
მომხიბვლელი მოდელი ზედმეტი წონის გამო საერთოდ არ კომპლექსდება და სასეირნოდ ყოველთვის საკმაოდ თამამ და სექსუალურ "ლუქებს" ირჩევს. მაგალითად, ცოტა ხნის წინ მძიმეწონიანმა მოდელმა სოციალურ ქსელში ფოტო განათავსა, რომელშიც ის საკუთარი გამომწერების წინაშე, საკმაოდ პროვოკაციული იმიჯით, კერძოდ კი, - მინი ქვედაბოლოთი და მოკლე ტოპით პოზირებს.
გოგონას ერთგული თაყვანისმცემლები მისი ასეთი თამამი გადაწყვეტილებით აღფრთოვანებულები დარჩნენ და მოდელის მისამართით სასიამოვნო კომპლიმენტებიც არ დაიშურეს, თუმცა იყვნენ ისეთებიც, რომლებმაც მისივე ჯანმრთელობისთვის ტესის დაუყონებლივ დიეტაზე გადასვლა და გახდომა ურჩიეს.
