ფილადელფიის გარეუბანში არის კენსინგტონის რაიონი- ეს არის ჰეროინის გეტო.


ასობით ნარკომანი განგრეულ კაიფში პირდაპირ ქუჩაში გდია, დილერები უპრობლემოდ ყიდიან ქუჩაში დოზებს და თუ გაბედავთ აქ მეტროთი მოსვლას, სადგურიდან გასასვლელში დაგხვდებათ "ჰეროინის გიდი" - კაცი, რომელიც დაგეხმარებათ დოზის შეძენაში და კომფორტულად სიკვდილში.

ეს არის ბუნებრივი გეტო, რომელიც ათეულობით კვარტალზეა გაშლილი, შემთხვევითი ტურისტი არასდროს შევა ამ მხარეში, ასე რომ არ ინერვიულოთ.



ფილადელფია ითვლება ერთ – ერთ ყველაზე საშიშ ქალაქად შეერთებულ შტატებში, ნულოვან წლებში მოხდა მრავალი ძალადობრივი დანაშაული. მას შემდეგ მათი რიცხვი ოდნავ შემცირდა, თუმცა ფილადელფია დღემდე სრულად ვერ განთავისუფლდა კრიმინალური ქალაქის რეპუტაციისგან.

მისი ერთ-ერთი მთავარი პრობლემა ნარკომანიაა, კერძოდ, ჰეროინი. ფილადელფიში მდებარეობს არც თუ სახარბიელო რეპუტაციის რაიონი, სახელწოდებით Philadelphia Badlands, რომელიც არის დანაშაულის კერა. სახელი, რა თქმა უნდა, არაოფიციალურია, მაგრამ მას საკმაოდ ფართოდ იყენებენ, განსაკუთრებით პოლიცია.

ეს რაიონი ერთ დროს უზარმაზარი ინდუსტრიული ცენტრი იყო, სადაც საწარმოებს მოსდევდა მუშათა მასიური საცხოვრებლები. შემდეგ ქარხნების უმეტესობა დაიხურა, საწყობები დაცარიელდა, ხოლო მათი ადგილი დაიკავეს კრიმინალებმა, ნარკომანებმა და უსახლკაროებმა.

მეტროდან გასასვლელში ათეული ნარკომანი დგას. ანუ ჰეროინის გიდები, ისე დგანან, როგორც ჩვენ ჩვენს აეროპორტებში ტაქსის მძღოლები და შემთხვევითი სტუმრებს იჭერენ. დოზა გინდა?კი ბატონო

ისე შორს წასვლა არც გინდა, იქვე მეტროსთან ქუჩაში ყრიან განგრეულ კაიფში

იქვე შეგხვდებათ დამტვრეული და გაძარცვული მანქანები, ძირითადად იპარავენ აკუმულატორის და საბურავებს, ერთ საბურავში 10-15 დოლარი შეიძლება გადაუხადონ, ერთ დოზას ყოფნის.

ქუჩები საკმაოდ პირქუშად გამოიყურება, სიბინძურე და ნაგავია ყველგან, რაიონში ნორმალური, მშრომელი ხალხი საკმაოდ ცხოვრობს, თუმცა სიტუაციის მძევლები იძულებით გახდნენ, უბრალოდ წასასვლელი არსად არა აქვთ, ბინები აქ ფილადელფიის სხვა რაიონებთან შედარებით 10-ჯერ იაფი ღირს, რომ გაყიდონ სხვაგან ვერაფერს შეიძენენ.

ნარკოტიკებით პირდაპირ გზაჯვარედინზე ვაჭრობენ.

ქუჩაში ხშირია სროლები, გარდაცვლილს იქვე მკვლელობის ადგილზე უკეთებენ მემორიალს, როგორც ეს ავტოავარიებში დაღუპულებზე ხდება.

ზოგი ნარკომანი მოსიარულე ზომბი გეგონება, ზოგიც პირდაპირ ქუჩაში გორაობს, ზოგს კიდევ გამზადებული შპრიცი უჭირავს ხელში.

ადრე აქაურობას მართავდა ირლანდიური ბანდა K&A Gang, მაგრამ ახლა ამ რეგიონში ირლანდიური წარმოშობის ამერიკელები ძალზე ცოტანი არიან. თეთრკანიანთა უმეტესობა გადავიდა უფრო კეთილმოწყობილ გარეუბნებში .ამჟამად აქ ძირითადად ლათინოამერიკელები ცხოვრობენ, პირველ რიგში პუერტორიკელები და დომინიკელები, ასევე ბევრია შავკანიანი. ქუჩის ბანდის წევრები ღიად ყიდიან ნარკოტიკებს. 80-იან წლებში ძირითადად ვაჭრობდნენ მეტამფეტამინით, ამჟამად ჰეროინი უფრო გაყიდვადია. გარდა ამისა, ადგილობრივ ბომონდში ფენციკლიდინი და კრეკია პოპულარული.

ფილადელფიის პოლიციამ არც იცის როგორ უნდა ებრძოლოს ნარკომოვაჭრეებს, თუნდაც მეტროპოლიტენის მიმდებარე ტერიტორიაზე. რეიდები ტარდება რეგულარულად, რასაც მოჰყვება მასობრივი დაპატიმრებები, მაგრამ ძველ დილერებს ცვლიან ახალი. გარდა ამისა, საზოგადოების აქტივისტები ჩივიან, რომ თითოეული ასეთი დარბევა დოზის გადაჭარბებას იწვევს, რადგან ვაჭრები "ბუნებრივ" ჰეროინს ანაცვლებენ უფრო ძლიერი წამლით ფენტანილით. ის კლავს მარტივად და სწრაფად, სამაგიეროდ იაფია, ამიტომ ძალიან პოპულარულია.

ამ ნარკოჯოჯოხეთში ძალზე კონტრასტული სურათის ნახვაც შეიძლება, გოგონა წიგნს კითხულობს.

კორონავირუსის გამო, გაზაფხულიდან მოყოლებული ჰეროინის მომარაგება შეფერხდა უპირველეს ყოვლისა, იმიტომ, რომ დაიხურა აშშ- მექსიკის საზღვარი. ჰეროინთან ერთად, დილერებს ფენტანილის მარაგიც გამოელიათ, ამიტომ პრეპარატი სხვა რამეებით გააზავეს.

სხვათა შორის კორონავირუსით გამოწვეულმა პანდემიამ დადებითად იმოქმედა ფილადელფიელ ნარკომანებზე, ადრე დღეში თუ სამი-ოთხი ნარკომანი კვდებოდა, ამჟამად კვირაში კვდება ამდენივე, თუმცა ნარკოდილერებში ნედლეულის ნაკლებობის გამო გაიზარდა აგრესია, რაც სტატისტიკურად ძალადობის მომატებაში აისახა.