მსოფლიოში ყველაზე საშიშ ბილიკს ფეხით მოსიარულეთათვის "სამეფო ბილიკი" ეწოდება (El Caminito del Rey). ბილიკი მიუყვება El Chorro-ს ხევს ქალაქ მალაგასთან მდებარე პატარა სოფელ ალორაში. სახიფათო ბილიკი გადის 100-300 მეტრის სიმაღლეზე, მისი სიგრძე 3 კილომეტრია, ხოლო სიგანე 1 მეტრი. ბილიკის მდგომარეობა ავარიულია და ის დახურულია დამთვალიერებლებისგან, თუმცა ის ტურისტებში დიდი პოპულარობით სარგებლობს და აქ ხშირად იღუპებიან გაბედული ადამიანები.

El Caminito del Rey-ის მშენებლობა 1901 წელს დაიწყო და სამეფო ბილიკი 4 წლის შემდეგ, 1905 წელს გაიხსნა. ბილიკი გადის ორ ჩანჩქერს Chorro Falls და Gaitanejo Falls შორის. ეს ბილიკი ჰიდროელექტროსადგურის მომუშავე პერსონალისათვის ააგეს.

სამეფო ბილიკი ძალიან სახიფათოა გადაადგილებისათვის: მას არ აქვს ჯებირები, ზოგიერთ მონაკვეთზე ბილიკი ჩაინგრა და დარჩენილია მხოლოდ რკინის კონსტრუქცია, რომლებზეც გადაადგილება სიცოცხლისათვის უკიდურესად საშიშია.

ამ ბილიკს სამეფო ეწოდა 1921 წლიდან, როდესაც კაშხალ Conde del Guadalhorce გახსნის დროს მეფე ალფონსო XIII-მ თავისი ფეხით გაიარა ბილიკი.

2000 წლიდან გადაადგილებისთვის სახიფათო ბილიკი ოფიციალურად დახურულია. მთავრობა გეგმავს მის აღდგენას და ოფიციალური ტურისტულ მარშრუტად გადაკეთებას. ამაზე 7 მილიონი ევროს დახარჯვა იგეგმება.