მოვლენები
ქეითის უკანალი და მეგანის ოფლიანი იღლიები: სამეფო ოჯახის წევრთა უხერხული მომენტები
2020, 10 მარტი, 17:58
ცოტა ხნის წინ, ქეით მიდლტონი მსოფლიო მედიის მთავარ თემად იქცა, მიზეზი კი გაგიკვირდებათ და, "ქარაფშუტა" ქარი და ქეითის მსუბუქი კაბა აღმოჩნდა, რომელმაც პრინცი უილიამის მეუღლის დაცვა მზაკვრული სტიქიისგან ვერ შეძლო. თუმცა კემბრიჯის ჰერცოგინიას სასარგებლოდ ისიც უნდა აღინიშნოს, რომ მისი იდეალური სხეულით მთელი მსოფლიო აღფრთოვანდა. ქეით მიდლტონის ამ უსიამოვნო შემთხვევის გარდა, სამეფო ოჯახის სხვა წევრებსაც არაერთი უხერხული, მოდური კონფუზი შეემთხვათ, რომელთა ხილვაც გულიანად გაგაცინებთ და შეიძლება მათ მიმართ სიბრალულის გრძნობაც კი გაგიჩინოთ.
ქეით მიდლტონი
ბევრმა ისიც აღნიშნა, რომ ამ ფაქტის შემდეგ ქეითს დედოფალთან სერიოზული საუბარიც კი მოუწია, კემბრიჯის ჰერცოგინია ახლა უკვე საკუთარი სამოსის შერჩევას გაცილებით უფრო ყურადღებით ეკიდება
კამილა პარკერი
მსგავსს უხერხულ სიტუაციაში ჩარლზის მეორე მეუღლე - კამილა პარკერ - ბოულზიც აღმოჩნდა. ამ ცნობილი კონფუზის შემდეგ, კორნუოლის ჰერცოგინია ყველანაირად ცდილობს უფრო მკაცრი სტილის კაბების შერჩევას
ლუიზა უინძორი
ქარის გამო ყველაზე მეტად მაინც, დედოფლის 16 წლის შვილიშვილი - ლუიზა უინძორი დაზარალდა. ამ უხერხულ სიტუაციას მსოფლიო მედია კიდევ დიდი ხნის განმავლობაში განიხილავდა
მეგან მარკლი
უხერხულ სიტუაციაში უნებურად მეგან მარკლიც აღმოჩნდა, რომლის ლურჯი, გამჭირვალე ქვედაბოლო შეუმჩნეველი არავის დარჩენია
ოფლიანი იღლიებით, საზოგადოებაში მისი კიდევ ერთი გამოჩენა, რომელიც ყველას დიდი ხნით დაამახსოვრდა
