2020 წლის თებერვლის მიწურულს, უფრო ზუსტად კი 25 თებერვალს ამერიკელმა რეპერმა ემინემმა, იგივე მარშალ მაზერსმა, მის ფანებს გამოწვევა შესთავაზა, რომლის მიხევითაც მათ უნდა გაერეპათ ერთ-ერთი ცნობილი სიმღერის “GODZILLA"-ს ბოლო ნაწილი, რომელშიც თავად რეპერმა თავისივე რეკორდი მოხსნა და 31 წამში 224 სიტყვა წარმოთქვა. . გამოწვევა 25 თებერვალსვე გავრცელდა Twitter-სა და Instagram - ის მეშვეობით. მომღერალს აინტერესებდა, შეეძლო თუ არა მისი თაყვანისმცემლებიდან რომელიმეს იგივეს გამეორება. გამოწვევაში მონაწილეობა ათასობით ადამიანმა მიიღო, თუმცა გამოცემა “SOUTHPAWER"-მა გამარჯვებულად 16 წლის ქართველი გოგო, ნინი ჩილაჩავა დაასახელა. ის ზუგდიდში ცხოვრობს და ამავე ქალაქის მე-2 საჯარო სკოლის მოსწავლეა. ხსენებული გამოცემის თქმით, მიუხედავად იმისა, რომ გამოწვევაში ათასობით ადამიანი მონაწილეობდა, მათ ერთი გამარჯვებული უნდა დაესახელებინათ და ეს ნინი ჩილაჩავაა, რომლის ვიდეოსაც ინსტაგრამზე 100 000-ზე მეტი ნახვა ჰქონდა. “ ეს არის მომენტი, როდესაც მშვენიერება და ნიჭი ერთადაა თავმოყრილი"- აცხადებს გამოცემა.

როგორც თავად ნინი ჩილაჩავა აცხადებს, გამოწვევაში მონაწილეობა მისი მეგობრების დაჟინებული თხოვნის შედეგად გადაწყვიტა. 16 წლის ზუგდიდელი გოგონას FACEBOOK - გვერდზე უამრავი მისალოცი კომენტარია და მას წარატებებს უსურვებენ.

წარმატება ვუსურვოთ ჩვენც ნიჭიერ ნინი ჩილაჩვას!

ქვემოთ შეგიძლიათ იხილოთ ვიდეო, რომლითაც ნინიმ გამოწვევაში მონაწილეობა მიიღო