ჰაერში დაკიდებული აკრობატების და ეკვილიბრისტების ერთდროულად ყურება რა თქმა უნდა საშიში და დამზაფვრელია. მაგრამ არსებობს მასზე უფრო მძაფრი სანახაობაც, მაგალითად ნიუ–იორკში ცხოვრობს ქალი, რომლის პროფესიაა - ხმლების ყლაპვა.

ჰიზერ ჰოლიდეი ნიუ-იორკში ცხოვრობს. მისი თქმით, ადამიანის სხეულს აქვს თვისება- აკეთოს სიგიჟეები. ხმლის ყლაპვის სწავლა, ისეთივეა როგორც, მაგალითად შპაგატის სწავლა, მაგრამ მიუხედავად იმისა, რომ სხეული ზიანდება, საბოლოოდ მაინც ეჩვევა ტკივილს.

ხმლის ყლაპვასთან ერთად ჰიზერი ცეცხლთანაც აქტიურად "თანამშრომლობს". მისდამი ინტერესი მას ბავშვობაში გაუჩნდა, როცა მეგობრებთან ერთად კონი-აილენდის გასართობ პარკში ფრიკ-შოუს სანახავად წავიდნენ.

ამჟამად ჰიზერს წარმოდგენებს დამოუკიდებლად მართავს. მისი ვიდეოების ნახვისას შეუძლებელია კანზე ჭიანჭველებმა არ დაგიაროთ. თავად ჰიზერი კი ამბობს, რომ შიში მხოლოდ მშიშრებისთვისაა.