კორონავირუსმა უკვე 48 ქვეყანაში შეაღწია. ირანში ოფიციალურად გარდაცვლილთა რაოდენობამ 26-ს მიაღწია, ხოლო იტალიაში - 14. დაინფიცირებულია აგრეთვე ირანის პრეზიდენტის მოადგილე მასუმე იფტიკარი - ნახეთ, როგორი სიტუაციაა მსოფლიოში:

კორონავირუსის შემთხვევა ბოლოს 8 ქვეყანაში დაფიქსირდა: პაკისტანი, საბერძნეთი, საქართველო, მაკედონია, რუმინეთი, ნორვეგია, დანია და ესტონეთი. მსოფლიო მასშტაბით 81 000-ზე მეტი ადამიანია დაინფიცირებული.

ჩინეთის ჯანმრთელობის ეროვნული კომისიის წერილობითი განცხადების თანახმად, ბოლო 24 საათის განმავლობაში დაიღუპა 29 ადამიანი, ხოლო გამოვლენილია 770 ახალი კოვიდ-19 შემთხვევა.

ვირუსი გადაიტანა 32 495 ადამიანმა.

ესტონეთში პირველი შემთხვევა დაფიქსირდა. როგორც ადგილობრივი პრესა იუწყება, ინფიცირებული ირანიდან დაბრუნდა.

დაინფიცირებულია ერთი საქართველოს მოქალაქეც, რომელიც ასევე ირანიდან აზერბაიჯანის გადმოკვეთით დაბრუნდა საქართველოში.

პირველი შემთხვევა დაფიქსირდა ასევე ნორვეგიაშიც. ქალაქ ტრომსოში აღმოჩენილ ვირუსის მატარებელი ქალია, რომელიც ჩინეთიდან ეპიდემიის გავრცელების დროს დაბრუნდა.

მაკედონიაშიც ვირუსი დაფიქსირებულია. ქვეყანაში იტალიიდან დაბრუნებულს აღმოაჩნდა ვირუსი. კარანტინში იმყოფება 40-მდე ადამიანი.

პაკისტანში აღმოჩენილია ორი დაინფიცირებული, ორივე მათგანი ირანიდანაა დაბრუნებული. ერთ-ერთის ასაკი 22 წელია. ბოლო ინფორმაციით, ორივეს ჯანმრთელობის მდგომარეობა სტაბილურია.

ჩრდილოეთ კვიპროსის თურქეთის რესპუბლიკაში ირანელ ტურისტს აღმოაჩნდა კორონავირუსი. ამ რეგიონშიც პირველი შემთხვევაა.

ჩინეთის შემდეგ ყველაზე საშინელი სიტუაცია ირანშია, სადაც გარდაცვლილთა რაოდენობამ 26 მიაღწია. დაინფიცირებულია ასევე პრეზიდენტის მოადგილეც.

თურქეთის ქალაქ ერზინჯანში ირანელი სატვირთო ავტომობილის მძღოლი კარანტიში აიყვანეს. ჯერ-ჯერობით უცნობია, ატარებს თუ არა ეს მამაკაცი კორონავირუსს.

საუდის არაბეთმა თითქმის ყველა ქვეყანასთან გააუქმა საჰაერო მიმოსვლა.

იტალიაში ქალაქ ლომბარდიის რეგიონალური პრეზიდენტი კარანტინშია. ქვეყანაში დაინფიცირებულია 440-ზე მეტი ადამიანი და გარდაცვლილია უკვე 12 იტალიელი.

აშშ-ში დაფიქსირდა 60 შემთხვევა. წინა 59 საზღვარგარეთიდან დაბრუნებულებს აღმოაჩნდათ, ხოლო უკანასკნელს არანაირი კავშირი არ ჰქონია ინფიცირებულთან. სან ფრანცისკოს ჯანდაცვის კომიტეტის განცხადებით, შესაძლოა კორონავირუსით უკვე უამრავი ამერიკელი იყოს დაინფიცირებული.

იაპონიაში აპრილამდე შეწყდა სასწავლო პროცესები. შეგახსენებთ, რომ იაპონიაში კორონავირუსით 8 ადამიანი დაიღუპა.

ისევ იაპონიაში, 40 წლამდე ქალი კორონავირუსისგან განიკურნა, თუმცა ქალბატონი კორონავირუსით ხელმეორედ დაინფიცირდა.

კორონავირუსით დაინფიცირებულთა დასახმარებლად ჩატარებულ სპეციალურ შეხვედრაზე რომის პაპი თავს კარგად არ გრძნობდა. ის ხშირად ახველებდა, აცემინებდა და შეხვედრაც ნაადრევად დატოვა. პაპის ჯანმრთელობის შესახებ ჯერ-ჯერობით ინფომაცია არ არის.

სტატია მომზადებულია Independent, Reuters და Euronews -ზე დაყრდნობით.

სტატიის ავტორი: ალექსი აბდიევი

>>>>> თქვენთვის საინტერესო <<<<<

კორონავირუსი მთელ მსოფლიოში - როგორი სიტუაციაა დღეს სხვადასხვა ქვეყნებში, სადაც ვირუსმა შეაღწია!

ვითარება ირანში - 15 კადრი, რომელიც გვიჩვენებს, თუ რაოდენ რთული სიტუაციაა დღეს ირანში!

9 ჭეშმარიტება კლეოპატრას შესახებ - ის, რაც ყველგან არ წერია!

საშინლად დაწყებული წელიწადი - 10 შოკისმომგვრელი მოვლენა 2020 -ის დასაწყისშივე!

მგელი ხროვას გამოეყო და ადამიანებთან დახმარების სათხოვნელად მივიდა - კაცობრიობა ანადგურებს დედამიწას

ჩინური სამზარეულოს ყველაზე ამაზრზენი საკვები, რომლის ნახვის შემდეგ შიმშილის გრძნობას დაკარგავთ!

ვითარება იტალიაში - 14 კადრი, რომელიც გვიჩვენებს, თუ რაოდენ რთული სიტუაციაა დღეს იტალიაში!