სირიის ამბოხებულების მიერ ქსელში ატვირთულ იქნა ვიდეო, სადაც ამბოხებულებმა გაანადგურეს სამთავრობო ტანკი დიდი ალბათობით "Т-72 "Урал"-ი ან "Т-72М1" დინამიური დაცვის გარეშე.
ტანკს პოზიცია ეკავა შენობის გვერდით როცა მართვადი ტანკსაწინააღმდეგო კომპლექსიდან გაშვებული რაკეტა მოხვდა ბორტში. შემდეგ კი სიტუაცია დრამატულად განვითარდა, მოხდა ტანკის საბრძოლო მასალის დეტონაცია. ცაში აიჭრა ცეცხლის უზარმაზარი ალი. თუ ტანკში იმყოფებოდა ეკიპაჟი, მათ გადარჩენის თეორიული შანსიც კი არ ჰქონდათ ისე სწრაფად მოხდა ყველაფერი.
როცა კვამლი გაიფანტა გამოჩნდა გადამწვარი მიმდებარე ტერიტორია, ტანკის კოშკურა კი ეტყობა აფეთქების ტალღამ შორს გადაისროლა.
მომხდარმა ფაქტმა კიდევ ერთხელ დაადასტურა, რომ მოძველებული ტექნიკა, თან დინამიური და აქტიური დაცვის გარეშე ვერ იცავს ეკიპაჟის უსაფრთხოებას, თუნდაც მოძველებული ტანკსაწინააღმდეგო, მართვადი სარაკეტო კომპლექსის რაკეტისაგან.