ძაღლმა სეირნობის დროს ხეების ქვეშ იპოვა ახალშობილი, რომელიც დედამ მიატოვა.

შემთხვევა მოხდა 9 თებერვალს, სამარყანდში. ძაღლმა ქუჩაში მიტოვებული ბავშვის სიცოცხლე გადაარჩინა. საოცარი სიუჟეტის შესახებ რეპორტაჟი აჩვენა უზბეკურმა ტელევიზიამ Zamon.-მა.

არხის ცნობით, 6 თებერვალს, 21 წლის გოგონამ გააჩინა და ბავშვი ხეების ქვეშ გადააგდო.

საბედნიეროდ, ბავშვი ძაღლმა აღმოაჩინა სეირნობის დროს. ძაღლმა მიტოვებულ ბავშვს პირი მოკიდა და პატრონისკენ წაიყვანა.

"ძაღლი გახდა გმირი და გააკვირვა ადგილობრივი მოსახლეობის ყველა წარმომადგენელი. ოთხფეხა გმირმა ბავშვი კბილებით მიუყვანა თავის პატრონს. მათ კი ბავშვი სასწრაფოდ გადაიყვანეს სამედიცინო დაწესებულებაში." - ნათქვამია ვიდეოში.

აღნიშნულია, რომ როდესაც ბავშვი საავადმყოფოში გადაიყვანეს, ის ტალახში იყო დასვრილი, ხოლო მისი სხეული იყო დაჩხაპნილი.

ამჟამად, ბავშვი ექიმების მეთვალყურეობის ქვეშ იმყოფება. სპეციალისტები გადარჩენილი ბავშვის მდგომარეობას აფასებენ, როგორც ზომიერად მძიმეს.