საქართველოს ყოფილი პრეზიდენტი, მიხეილ სააკაშვილი სოციალურ ქსელში განცხადებას ავრცელებს. მისი თქმით, 1 მარტიდან თბილისში, “სააკაშვილის საპრეზიდენტო ბაზის" საფუძველზე მისი პოლიტიკური შტაბი ამოქმედდება.

“მე მინდა გითხრათ ჩემი გადაწყვეტილების შესახებ, ძალიან ბევრს ვფიქრობ ამაზე, თუ ვის ხელში გადავიდა ქვეყანა. “ქართული ოცნებაო" და მოგვაჩეჩეს გაჭირვება, დახოცილი ბავშვები, კაპიკებზე დღე და ღამე შრომა უცხოეთში, ბრძლა გადარჩენისთვის. ეს არ არის ის, რასაც იმსახურებს ქარტველი ხალხი!...

ვინ არის ეს ხალხი: მაოხრებელი ივანიშვილი, ბრიყვი თალაკვაძე, ბოროტი წულუკიანი, ანაბრების ქურდი ჩხარტიშვილი, ბოლომდე გათავხედებული მექრთამე კალაძე და უამრავი სხვა კიდევ არარაობა, რომელიც ანადგურებს ჩვენს ქვეყანას... გავიდა რვა წელი და ეს ხალხი არსად არ აპირებს წასვლას და უფრო მეტიც, უნდათ რომ მიგვაჩვიონ ამ არანორმალურ გიჟურ მმდგომარეობას, ამიტომ, რათქმა უნდა, მე გვერდზე ვერ გავდგები...

მე ვარ მომხრე ოპოზიცური ჯგუფის ერთიანობის... მე ვარ მომხრე იმისა, რომ არცერთი ძველი თანამდებობის პირი არ დაბრუნდეს თავის კაბინეტში და ბევრი ახალი ადამიანი, ღირსეული მოხვდეს პოლიტიკაში, განსაკუტრებით ახალგაზრდობა" – განაცხადა საქართველოს ყოფილმა პრეზიდენტმა.

მიხეილ სააკაშვილის თქმით, ის თავის ყველა რესურსსა და გამოცდილებას საქართველოს მოახმარს და წელს სამთავრობო გუნდის პოლიტიკური დასასრულს წინასწარმეტყველებს.

ასევე საინტერესოა:

მიხეილ სააკაშვილი – გმირი, თუ დიდი პოლიტიკური თეატრის პერსონაჟი?!