გარდაიცვლა შვედური ჯგუფის Roxette-ის სოლისტი მარი ფრედრიკსონი, მომღერალი 61 წლის იყო.ის ბოლო ხანებში აღარ გამოდიოდა კოლექტივთან ერთად, რადგან მკურნალობას გადიოდა რამდენიმე კლინიკაში, მარის თავში სიმსივნე აღმოაჩნდა.

მარი 9 დეკემბერს საკუთარ სახლში ახლო ნათესავების გარემოცვაში გარდაიცვალა.მსოფლიო ჰიტების შემსრულებელს მხოლოდ ახლო ნათესავების თანდასწრებით დაკრძალავენ, ამის შესახებ განცხადება მომღერლის მეუღლემ და შვილებმა-26 წლის ჟოზეფინამ და 23 წლის ოსკარმა განაცხადეს.

შვედური პოპ-როკ დუეტი Roxette-ი პერ გესლეს და მარი ფრედრიკსონის შემადგენლობით 1986 წელს შეიქმნა და იგი გახდა მსოფლიოში ერთი-ერთი ყველაზე პოპულარული და წარმატებული ჯგუფი, რომელიც პოპ მუსიკას საცეკვაო მუსიკის ელემენტებსაც უხამებდა.

დღეისთვის ჯგუფის ალბომებისა და სინგლების დაახლოებით 75 მილიონი ასლი არის გაყიდული.ჯგუფის სიმღერები ჟღერს 20-ზე მეტ ფილმში, მათ შორის ისეთ ცნობილ ფილმებში, როგორიცაა "ლამაზმანი"(1990) და "გაქცეული პატარძალი"(1999), 1991 წელს ჯგუფს გადაეცა "გრემის" პრემია, როგორც საუკეთესო პოპ-ჯგუფი.

მარი ფრედრიკსონი სიმღერის გარდა ფერმწერი იყო, რომლის გამოფენებიც ხშირად იმართებოდა სხვადასხვა გალერეებში.