ეშლი გრემი მთელ მსოფლიოში ყველაზე მაღალანაზღაურებადი პლუს - ზომის მოდელია, რომელსაც კონტრაქტები ყველაზე პრესტიჟულ მსოფლიო ბრენდებთან აქვს, მეგობრობს ცნობილ ადამიანებთან და საკუთარი ვარსკვლავური ცხოვრებით ტკბება. მოდელის განცხადებით, სრული ბედნიერებისთვის მას მხოლოდ შვილი სჭირდებოდა და ახლა ის, უკვე დიდი ხნის ნანატრი პატარას მოლოდინშია.

ეშლი სხვა დედებისგან განსხვავებით, მუცლის დამალვას თავისუფალი სამოსის ქვეშ არ აპირებს, პირიქით, ის ყველა ხერხით ცდილობს თავის, საინტერესო მდგომარეობას ხაზი კიდევ ერთელ გაუსვას და საზოგადოების ყურადღების კონცენტრირებას მრგვალ, მიმზიდველ მუცელზე ცდილობს.

ცოტა ხნის წინ, ეშლის საკმაოდ თამამი კაბა, რომლითაც მოდელი ფართო საზოგადოების წინაშე წარსდგა, შეუმჩნეველი არავის დარჩენია, მათ შორის, კრიტიკოსებსაც, რომლებმაც პლუს - ზომის ვარსკვლავის ეს "ლუქი" ყველაზე უგემოვნოდ მონათლეს.

მაგრამ, როგორც ჩანს გოგონას ამ მდგომარეობაში მათი კრიტიკა ყველაზე ნაკლებად ანაღვლებს და თავისი ცხოვრების ახალი, მნიშვნელოვანი ეტაპით ბოლომდე ტკბება.