ნანუკა ჟორჟოლიანი პროკურატურასთან იმყოფება, სადაც "მთავარი არხის" საინფორმაციო სამსახურის ხელმძღვანელის, ნოდარ მელაძის გამოკითხვა მიმდინარეობს. ტელეწამყვანი აცხადებს, რომ პრემიის გამო, ჟურნალისტების გამოკითხვაზე დაბარება არანაირ ლოგიკაში არ ჯდება.

"მე ვფიქრობ პროკურატურა ერთობა. მოიწყინეს, გასართობი საქმე აღარ აქვთ. ზუსტად იციან, რომ ამით ვერც ნოდარ მელაძეს შეაშინებენ, ვერც სხვებს. გაბუნიას და მელაძეს სასაცილოდ არ ჰყოფნით, რომ პრემიების გამო იბარებენ. სხვათა შორის ძალიან გულდაწყვეტილი ვარ რომ მე ვერ მოვხვდი სიაში, იმიტომ რომ მთავარი სახეები არიან და არ მე. ამაზე პროკურატურას პასუხის გაცემა მოუწევს."