ძველ საბერძნეთში, ადამიანის გამოსახულებიანი ყველა პორტრეტი, ქანდაკება და სხვა ხელოვნების ნიმუში, ე.წ."ოქროს კვეთის" მიხედვით ფასდებოდა. (ოქროს კვეთა ეს არის - ჰარმონიული გაყოფა მთელისა ისეთ ორ არატოლ ნაწილად, როდესაც მცირე ნაწილი ისე შეეფარდება დიდს, როგორც დიდი მთელს და პირიქით, მთელი ისე შეეფარდება დიდს, როგორც დიდი მცირეს: a : b = b : c ან с : b = b : а)

ცნობილმა პლასტიკურმა ქირურგმა ჯულიან დესილვამ, რომელიც უკვე წლებია ბრიტანეთის ერთ – ერთ საუკეთესო კლინიკასთან თანამშომლობს, ექსპერიმენტის მიზნით გადაწყვიტა, კომპიუტერული ანალიზის მიხედვით, ჰოლივუდის ცნობილ ქალბატონებს შორის ყველაზე იდეალური სახის ნაკვთების მქონე ლამაზმანი გამოევლინა.

სიაში პირველი, საპატიო ადგილი ემბერ ჰერდმა დაიკავა, რომლის სახის ნაკვთებიც "ოქროს კვეთას" მთელი - 91, 85% -ით დაემთხვა, მას სოციალური ქსელების ვარსკვლავი კიმ კარდაშიანი 91, 39% - ით მოსდევს, ხოლო მესამე ადგილს კი - 91, 06% - ით ცნობილი ბრიტანელი სუპერმოდელი ქეით მოსი დასჯერდა. უნდა აღინიშნოს, რომ ეს საპატიო წოდება ყოველთვის დედა ბუნების დამსახურება არ არის, და თუკი სელებრითების იდეალური სახის ნაკვთები მხოლოდ ქირურგების ოქროს ხელების შედეგია, მაშინ, იმაზეც უნდა შევთანხმდეთ, რომ ამ ცნობილ ქალბატონებთან ერთად აპლოდისმენტებს ისინიც, არანაკლებ იმსახურებენ. მაშ ასე, მოდით ვნახოთ ყველაზე ლამაზი სახის მქონე ცნობილი ქალბატონების ათეული "ოქროს კვეთის" მიხედვით.

1. ემბერ ჰერდი - 91, 85 %

2. კიმ კარდაშიანი - 91, 39%

3. ქეით მოსი - 91, 06%

4. კენდალ ჯენერი - 90, 18%

5. ემილი რატაკოვსკი - 90, 8%

6. ჰელენ მირენი - 89, 93%

7. სკარლეტ იოჰანსონი - 89, 82%

8. სელენა გომესი - 89, 57%

9. მერილინ მონრო - 89, 41%

10. ჯენიფერ ლოურენსი - 89, 24%