მუცლის შებერვას სამედიცინო ენაზე მეტეორიზმი ეწოდება. მას შეიძლება რამდენიმე გამომწვევი მიზეზი ჰქონდეს:

მიზეზი #1: საკვები

ნაწლავებში გაზების წარმოქმნას პარკოსნები იწვევენ. ''ფეთქებადსაშიშ'' საკვებთა რიგებში ასევე მოხვდა: შემწვარი კრტოფილი, ახლად გამომცხვარი შავი პური და ქიშმიში. ვაშლი და ნესვი კი სხვა ხილთან ერთად მიღების შემთხვევაში იწვევს მეტეორიზმს.

მიზეზი #2: სასმელი

მუცლის შებერვას გაზიანი სასმელი უწყობს ხელს. მაგალითად როგორიცაა: ლუდი და შამპანური. მათში შემავალი ნახშირჟანგი ნაწლავებისა და კუჭის ლორწოვან გარსს აღიზიანებს, ხოლო შაქარი და საფუარი დუღილის პროცესს აძლიერებს. აღარაფერს გეუბნები კოკაკოლაზე, ფანტაზე და ამგვარ სასმელებზე. თვითონაც კარგად გეცოდინება, რომ აუცილებელია მაქსიმალურად შეიკავო თავი მათი მიღებისგან.

მიზეზი #3: ლაპარაკი

ჩვენი მშობლების ახირება როდი იყო, როცა გვეუბნებოდნენ, ჭამის დროს ნუ ლაპარაკობთო. თურმე ამ დროს, საკვებთან ერთად კუჭში ჰაერიც აღწევს. ჭარბი ჰაერი კი სისხლში ვერ შეიწოვება, ნაწლავებში გროვდება და შებერილობას იწვევს.

მიზეზი #4: ემოციები

ნერვიული დაძაბულობის დროს საკვები კუჭსა და წვრილ ნაწლავებს ელვის სისწრაფით, თითქმის მოუნელებელი გაივლის. ბოლოს მსხვილ ნაწლავში დაგროვდება, დუღილსა და ლპობას დაიწყებს, რაც შენ აუცილებლად დისკომფორტს შეგიქმნის.

P.S: კიდევ ერთი საინტერესო ინფორმაცია კვებასთან დაკავშირებით.

* თუ გინდა ქათქათა კბილები და მტკიცე ძვლები გქონდეს, აუცილებელია ორგანიზმს კალციუმი არ მოაკლო. გაამდიდრე მენიუ რძის პროდუქტებით. სასურველია დღის განმავლობაში სამი სახის რძის პროდუქტი მაინც მიიღო, მაგალითად: ერთი ჭიქა რძე, 100 გრამი ყველი და ერთი ქილა მაწონი. მესმის, რომ არ გიყვარს მაგრამ დარწმუნებული ვარ არც აფრცქვნილი ფრჩხილები და თმის გაყოფილი ბოლოები მოგეწონება. =) თუ ცალკე ხაჭოს ვერ შეჭამ, შეგიძლია არაჟანთან აურიო და ისე მიირთვა - ასე ბევრად უკეთესია. თუ მაწონს ვერ იტან, შენი საყვარელი ხილის მურაბა დაუმატე და გემრიელი გახდება. რძე კი შეგიძლია თაფლთ ან ყავაით მიირთვა. მე სგუშონიანიც მიყვარს.