ბოლო ხანს გაკეთებული მწვავე განცხადებების შემდეგ საზოგადოებაში გაჩენილი მოლოდინი გამართლდა. საქართველოში რამდენიმე დღის წინ დაბრუნებული მიხეილ სააკაშვილის ხელისუფლების თავდაცვის ყოფილი მინისტრი და ახლადდაფუძნებული პოლიტიკური პარტია „გამარჯვებული საქართველოს“ ლიდერი ირაკლი ოქრუაშვილი დააკავეს. ინფორმაციას პარტიაში ოქრუაშვილის თანაგუნდელებიც ადასტურებენ.

ამის შესახებ ინფორმაცია ჟურნალისტებს გუბაზ სანიკიძემაც დაუდასტურა. დამატებითი დეტალები უახლოეს ხანში გახდება ცნობილი. სავარაუდოდ, ძალოვანი უწყება ოფიციალურ განმარტებებს მოგვიანებით გააკეთებს.