სუპერმოდელ ადრიანა ლიმას ახალი რჩეული ჰყავს. ლიმას მეგობარი მამაკაცი 38 წლის თურქი ბიზნესმენი ემირ უიარია. ვარსკვლავური წყვილი პაპარაცებმა საბერძნეთში, კუნძულ მიკონოსზე, ჯერ სანაპიროზე, შემდეგ კი რომანტიკულ ვახშამზე მიმავალნი დააფიქსირეს. ლიმა რამდენიმე თვის წინ დაშორდა თურქ მწერალ მეთინ ჰარას.

ერთ-ერთი ყველაზე მოულოდნელი წყვილი მომღერალი დუა ლიპა და მოდელი ანვარ ჰადიდი. წყვილი რამდენიმე დღის წინ დააფიქსირეს კონცერტზე და ეს ამბავი უკვე შეფასდა სეზონის მთავარ ნიუსად. საინტერესოა, რამდენ ხანს გაგრძელდება ეს რომანი.

ლედი გაგა და ბრედლი კუპერის რომანის შესახებ უკვე ბოლო რამდენიმე თვეა აქტიურად წერს მედია. ახლა კი ცნობილი გახდა, რომ ცოტა ხნის წინ ლედი გაგა ბრედლის ნიუ-იორკში მდებარე სახლში გადავიდა საცხოვრებლად. ინფორმაციას ამის შესახებ კუპერის ერთ-ერთ მეგობარზე დაყრდნობით ტაბლოიდური გამოცემა აქვეყნებს. წყაროს ინფორმაციით, ლედი გაგამ კუპერის სახლში საკუთარი ნივთების ნაწილი უკვე გადაიტანა.

მედია ავრცელებს ინფორმაციას, რომ მომღერლები კამილა კაბელო და შოუნ მენდესი ერთად არიან. წვილის რომანი, სავარაუდოდ, არც ისე დიდი ხნია დაიწყო და ჯერ ამაზე არ საუბრობენ, თუმცა ადასტურებენ, რომ ერთმანეთისთვის ძალიან მნიშვნელოვანი ადამიანები არიან.

ანდრეუ გარფილდს ახალი შეყვარებული ჰყავს. ჩრისტინ გებელი სერფერი, მოდელი და სტუდენტია. წყილის ურთიერთობა სულ ახლახანს დაიწყო.