ქალაქ-მოჩვენებას ძირითადად ტურისტები სტუმრებენ.

სიცილიაში კომუნა პოჯიორალე(poggioreale) ბოლო დროს ტურისტულ ბუმს განიცდის, ქალაქ-მოჩვენებაში, სადაც დრო გაიყინა იღებენ სარეკლამო რგოლებს, ფოტოსესიებს და ქორწილსაც კი იხდიან.

ბორცვებზე აშენებულ პატარა ქალაქში, რომელიც პალერმოდან 61 კილომეტრითაა დაშორებული, 1968 წელს დამანაგრეველი მიწისძვრა მოხდა, მრავალი სახლი დაზიანდა ან დაინგრა, ადგილობრივმა ხელისუფლებამ გადაწყვიტა აღარ აღედგინათ სახლები, ჩათვალეს, რომ ეკონომიურად მომგებიანი არ იყო.

ქალაქის მაცხოვრებლებისთვის ახალი სახლები რამდენიმე კილომეტრში ააშენეს, ხოლო უწინდელი ქალაქი დარჩა ხელუხლებელი.

აღსანიშნავია, რომ სახლებში ავეჯი და ნივთებიც კი დარჩენილია, რომელიც მაცხოვრებელებმა სიჩქარეში მიატოვეს, ხოლო სკოლის დაფაზე დარჩენილია 1968 წლის ცარცით მინაწერი.