სოფელ ორთუბანში მდებარე ციხე-დარბაზის კომპლექტი, თითქმის მთლიანად მიწით იყო დაფარული. XVII საუკუნით დათარიღებული ეკლესიის სამრეკლო კოშკის და საცხოვრებელ სამეურნეო ნაგებობისგან კი კვალი იყო შემორჩენილი.

ბერ - მონაზვნებმა ისტორიული ძეგლის აღდგენა 2009 წელს დაიწყეს.გალავანი მიწისგან მთლიანად გაწმინდეს, ჩამოშლილი კედლები აღადგინეს და მივიწყებულ ადგილს ახალი სიცოცხლე დაუბრუნეს.

მძოვრეთის ასურელ მამათა სახელზე ნაკურთხი მონასტერი დღეს უკვე ვიზიტორებს მასპინძლობს.

“ მხატვრობის კოლორიტი ნათელი, ფიგურები პლასტიკური, სამოსის ნაოჭები მსუბუქი, სახეები მეტყველი, " _ ეს ყინწვისის მონასტრის უნიკალური მხატვრობაა.

ფრესკების დიდი ნაწილი დაზიანებულია, თუმცა რაც გადარჩა შუა საუკუნეების ქართული მონუმენტური ფერწერის ერთ - ერთი საუკეთესო და მნიშვნელოვანი ძეგლია.

აქვე ნახავთ ჩრდილოეთ კედელზე წარმოდგენილ, თამარ მეფის, გიორგი მესამისა და ლაშა - გიორგის იშვიათ ფრესკას. ტაძრის მშვენება კი მაინც “ ყინწვისის ანგელოზია ".

მძოვრეთის მონასტერი, ყინწვისის მინასტერი, ატენის სიონი, - შიდა ქართლის ხუროთმოძღვრული კულტურით დაინტერესებულთათვის საინტერესოს და მიმზიდველს ხდის.

შიდა ქართლი ძალიან მდიდარია ისტორიულ კულტურული მემკვიდრეობის ძეგლებით, შესაბამისად განაპირობებს მის ტურისტულ შესაძლებლობებს. თბილისიდან ახლოს არის და ერთ დღეში შეგიძლია მნიშვნელოვანი რამ მოინახულო. და დიდი ალბათობით თავი სამოთხეში გაგონება.

შიდა ქართლში აქტიურად იკიდებს ფეხს ეგრეთწოდებული ღვინის ტურებიც. ამ მხრივ გამორჩეულია.

გორის მუნიციპალიტეტის სოფ. ატენი , სადაც არაერთ ადგილობრივს, საკუთარ საცხოვრებელ სახლთან ტრადიციული მარნები აქვთ მოწყობილი.

იწარმოება ამ მხარისათვის დამახასიათებელი ჯიშის ღვინოები.“ შავკაპიტო " იშვიათი ჯიში, რომელიც გადაშენების პირას იყო, თუმცა შემდეგ მისი გადარჩენა მოხდა.

შთამბეჭდავი ლანდშაფტი, ფერები, ტბები და ჩანჩქერები, უძველესი საერო და საკულტო ძეგლები - ეს იმ შესაძლებლობების არასრული ჩამონათვალია, რომლითაც შიდა ქართლს გამორჩეული ადგილი უკავია ქვეყნის ტურისტულ რუკაზე.

ვინც არ ყოფილა მრავალძალში, მას თამამად შეიძლება ითქვას, რომ რაჭა ნანახი არ აქვს

ღვინის მე-12 საერთაშორისო კონკურსზე გურჯაანის ღვინოებმა 37 მედალი მოიპოვა

შესაძლოა ძველი ქართული კულტურები ახალმა კულტურამ ჩაანაცვლოს