პარლამენტის წინ ამ დრომდე მიმდინარეობს საპროტესტო აქცია, აქციის მონაწილეები პარლამენტში შესვლას ცდილობენ. მობილიზებულია სპეცრაზმი.

შინაგან საქმეთა სამინისტრომ გააკეთა განცხადება და აქციის მონაწილეებს მოუწოდა დაუყოვნებლივ შეწყვიტონ კანონდარღვევა და ძალადობა და დატოვონ პარლამენტის შენობა, წინააღმდეგ შემთხვევაში კანონით გათვალისწინებულ საშუალებებს გამოიყენებენ.

მიუხედავად ზემოთ აღნიშნული განცხადებისა მონაწილეები დაშლას არ აპირებენ და ცდილობენ ხისტად შეიჭრან პარლამენტის შენობაში.

ადგილზე მივიდა საქართველოს შინაგან საქმეთა მინისტრი ბატონი გიორგი გახარია, მან გააკეთა კომენტარი ჟურნალისტებთან, რომ

“მოვუწოდებ, ერთმნიშვნელოვნად დაემორჩილონ პოლიციის მოთხოვნას ! რაც აქ ხდება, ამას ჰქვია სახელმწიფო ინსტიტუციების შტურმი." განაცხადა ბატონმა გახარიამ. რომელიც ადგილზე მიმდინარე მოვლენებს ამ წუთამდე პირადად აკონტროლებს.