რატომ არის ომანი ყველაზე განსაკუთრებული ქვეყანა მთელ მსოფლიოში?

კულტურა

2019, 25 ივნისი, 9:40

არაბეთის ნახევარკუნძულის სამხრეთით მდებარე ომანს ჩრდილო-დასავლეთით არაბთა გაერთიანებული საემიროები, ხოლო დასავლეთით საუდის არაბეთი ესაზღვრება. ქვეყანა თითქმის სრულიად ხმელეთისგან შედგება და 82% უდაბნოებს უკავია. ომანს საკმაოდ მჭირდო მეგობრული ურთიერთობა გააჩნია მეზობელ სახელმწიფოებთან.

ქვეყნის მოსახლეობის 75% ისლამის მიმდევარია, ხოლო დანარჩენი 25% პროცენტი - ინდუიზმის, ბუდიზმის და ქრისტიანობის. ქვეყნის ეკონომიკა დამოკიდებულია ნავთობსა და ბუნებრივ აირზე. სხვა არაბული ქვეყნებისგან განსხვავებით სიმდიდრის ზღვარს არ არიან გადაცილებულნი. როგორც ზემოთ ვახსენეთ, ქვეყნის 82% უდაბნოებს უკავია, თუმცა ეს ტურისტების მოთხოვნებს ხელს არ უშლის. ყოველწლიურად ომანი მილიონობით უცხოელს მასპინძლობს. ქვეყანაში უამრავი კულტურაა გაერთიანებული.

ომანში ბევრი უცნაური რამ ხდება, მაგალითად, არსებობს სპეციალურად ქალებისთვის განკუთვნილი სავაჭრო ობიექტი, რომელიც მხოლოდ ოთხშაბათს მუშაობს. სავაჭრო ცენტრში შესვლის უფლება მხოლოდ ქალებს აქვთ, სადაც მათ ერთამანეთთან ტანსაცმელების გაცვლაც შეუძლიათ.

კიდევ ერთი უცნაური ფაქტი ის არის, რომ ქვეყანაში დასვენების დღე შაბათ-კვირის ნაცვლად, პარასკევია. ისლამური რწმენიდან გამომდინარე, პარასკევი ყველაზე წმინდა დღეა და ომანელებს ამ დღეს ურჩევნიათ დასვენება.

ომანი ისტორიული კულტურის მატარებელი ქვეყანაა. როგორც მსოფლიოს სხვადასხვა ქვეყნებში, აქაც ტრადიციებს მკაცრად იცავენ. ერთ-ერთ განსაკუთრებულ ტრადიციას წარმოადგენს ომანური ყავის დალევა. საღამოს საათებში თუ ომანელს ოჯახში ესტუმრებით, აუცილებლად მოგიწევთ ომანური ყავის მირთმევა, რომელიც საშუალო ყავის ჭიქაზე უფრო პატარა ჭიქით უნდა მიირთვათ და ამ პროცესისთვის მინიმუმ 2 საათია საჭირო, რადგან ომანური ყავა ნელი ტემპით ისმევა. თუ ამ ყავაზე უარს განაცხადებთ, ეს ოჯახის შეურაცხყოფას ნიშნავს.

სამაგიეროდ, ქვეყანაში კოკა-კოლის დეფიციტია. ამ გაზიანი გამაგრილებელი სასმლის შეძენა მხოლოდ ელიტური კლასის სასტუმროებშია შესაძლებელი, რაც ამერიკელ ტურისტებს ყოველთვის უკმაყოფილოდ ტოვებს.

რაც შეეხება ალკოჰოლურ სასმელებს, ამისთვის ლიცენზიის მიღებაა საჭირო, როგორც სხვა რელიგიურ ისლამურ ქვეყნებში. ლიცენზიის მიღება მხოლოდ პოლიციაშია შესაძლებელი.

ომანში ტურისტების ყურადღებას იპყრობს კარი, რომელიც თითქმის ყველა ომანელს კერძო სახლში ლამაზად გაფორმებული აქვს. ომანური სახლების კარები ხშირად ხვდება კამერების ობიექტივებში.

გარდა ამ ყველაფრისა, ომანი სხვა არაბული ქვეყნებისგან გამოირჩევა დამოუკიდებლობით. ქვეყანამ დამოუკიდებლობა ჯერ კიდევ 1744 წელს მიიღო და მას შემდეგ, ალ საადის დინასტიის წარმომადგენლები მართავენ. ომანში ხალხს ხმის მიცემის უფლება პირველად 2002 წელს მისცეს, თუმცა ომანის საზოგადოება მთავრობის ერთგულია და ქვეყნის პოლიტიკით ყოველთვის კმაყოფილები არიან.

ომანის პოლიცია მსოფლიოს ათეულშია შესული, როგორც ყველაზე სამართლიანი სამართალდამცველები. ომანი უდაოდ არის ახლო აღმოსავლეთის ყველაზე უსაფრთხო ქვეყანა და ამის გამო ტურისტები ყოველთვის გამოთქვამენ დადებით კომპლიმენტებს. ქვეყანაში უამრავი კულტურული სანახაობაა, რომელიც იუნესკოს მსოფლიო მემკვიდრეობის სიაში ჰყავს შეყვანილი.