საქართველო როგორ გადაურჩა სიკვდილს ედუარდ შევარდნაძე აფეთქებულ მანქანაში 2019, 8 ივნისი, 23:04 სამი წლის დაძაბული და მძიმე მუშაობის შემდეგ, 1995 წლის მაისში კონსტიტუციის პროექტი წარედგინა კომისიას.
იმავე წლის 2 ივლისს იგი გადაეცა პარლამენტს. ხოლო 24 აგვისტოს პარლამენტმა საქართველოს კონსტიტუცია მიიღო.
დარჩენილი იყო ფორმალური მხოლოდ ერთი რამ, ხელმოწერის საზეიმო ცერემონიალი. რომელიც უნდა ჩატარებულიყო 25 აგვისტოს 16 საათზე “ ახალგაზრდობის სასახლეში ". რუსეთის მეფისნახვლისა და საქართველოს დემოკრატიული რესპუბლიკის მთავრობის ყოფილი პრეზიდენტის შენობაში, რუსთაველის პროსპექტზე.
ჩემი ოფისიც და პარლამენტიც განთავსებულია მარქსიზმ ლენინიზმის ინსტიტუტის შენობაში. რომელიც ასევე რუსთაველზეა და 500 მ სავალია. სწორედ ეს 500 მეტრი გახდა კინაღამ ჩემთვის საბედისწერო. მიუხედავად დიდი სიხარულისა, ჩემი ცხოვრების ერთ დიდ საქმეს ვამთავრებდი. ცუდი წინათგრძნობა დამეუფლა, მთელი დღე ვერ მოვიშორე ეს გრძნობა. 10 - 15 წუთით ადრე იმ გასასვლელიდან ჩავედი ეზოში, რომლითაც ყოველთვის ვსარგებლობდი ხოლმე. დახურულ ეზოში მანქანა “ ვოლგა " შევნიშნე. მაგრამ ყურადღება არ მიმიქცევია. დაცვამ კი ალბათ იფიქრა “ მხედრიონის" ან სხვა თანამშრომლის თუ არისო. 
ჩავჯექი მანქანაში. ჩემთან იყვნენ პარლამენტის ვიცე - სპიკერი ვახტანგ რჩეულიშვილი და სახელმწიფო კანცელარიის აპარატის უფროსი პეტრე მამრაძე.
ის იყო მანქანა დაიძრა ჭიშკრისაკენ და ვოლგას გაუსწორდა, აფეთქების გამაყრუებელი ხმა გაისმა, ჩვენი მანქანის საბარგულს ხანძარი გაუჩნდა.
აფეთქების ტალღამ შენობის კედელი ჩამოანგრია და ქვის ნატეხები დაგვეცა, მათ სახე დამიზიანეს. მანქანიდან გადასვლა ვცადე მაგრამ კარი გაიჭედა... აქ კი მძღოლმა, გელა თანდაშვილმა იმარჯვა. კარი გამოგლიჯა და მანქანიდან ძლივს გადმოვედი. მანქანა ცეცხლის ალში გაეხვია...
მერე გავიგე ვისი ხელით მიშველა განგებამ
რა მოხდა სინამდვილეში ედუარდ შევარდნაძის ტერაქტის დროს, ეს იყო МИ 24 რუსული ვერტმფრენი
ჯიმი მაისურაძე “შავი პოლკოვნიკი" და მისი შვეულმფრენი “გუაში"
284 შეფასება არ არის
|
  |
Intermedia.ge © 2011-2025 წელი
საავტორო უფლებები დაცულია
 |
