ამ სავსემთვარეობის დროს მთვარე ღრიანკალის 28-ე გრადუსს გადის, რომლის აღწერაშიც ვკითხულობთ: "მეზღვაური, რომელიც მართავს ხომალდს, შეშფოთებული გასცქერის შორეთს". ის მიუთითებს გამბედავ ადამიანზე, რომელიც თავისი მიზნების მისაღწევად ხიფათს არ უფრთხის. ის თავად არის საკუთარი ბედის მესაჭე.

აიღეთ ინიციატივები თქვენს თავზე, ნუ შეუშინდებით მომავალს, იყავით გაბედულნი და გაგიმართლებთ!

ისევე როგორც სხვა მოვლენები, არც სავსემთვარეობაა ხოლმე ყველასთვის ერთნაირად საგრძნობი. მისი ზეგავლენა უფრო მზით მორიელებისთვის და კუროებისთვის იქნება გამოხატული, აგრეთვე მათთვისაც, ვისაც პირადი პლანეტები კუროს ან მორიელის 28°-ის სიახლოვეს ჰყავთ განლაგებული. რადგან სწორედ ამ გრადუსზე ხდება ახალმთვარეობა. გაცილებით ნაკლები ინტენსივობით, თუმცა მაინც შესამჩნევი იქნება სავსემთვარეობის ზეგავლენა მერწყულებისა და ლომებისთვისაც.

არ დაგვავიწყდეს, გახდომის მოსურნეებს შევახსენოთ, რომ წონის დასაკლებად და დიეტაზე დასაჯდომად საკმაოდ ხელსაყრელი ორკვირიანი პერიოდი დგება და გამოიყენონ.

დანარჩენი რეკომენდაციები უცვლელია - რაღა თქმაუნდა, არასასურველია ქირურგიული ოპერაციები. გარდა ამისა, ეცადეთ არ გადაიტვირთოთ, დაიცავით შინაგანი ბალანსი, მოერიდეთ კონფლიქტებს, მეტი დაისვენეთ, თუკი ამის შესაძლებლობას თქვენი დღის რეჟიმი იძლევა. არარეკომენდებულია ახალი წამოწყებების განხორციელება, მნიშვნელოვანი საბუთების გაფორმება, საცხოვრებელი ადგილის შეცვლა, მოგზაურობა...

სავსემთვარეობის ზეგავლენა გამოკვეთილი იქნება დღეს, ხვალ და ზეგ".